កិច្ចប្រជុំអំពីគោលនយោបាយរូបិយវត្ថុនៃគណៈកម្មាធិការប្រព័ន្ធបម្រុងសហព័ន្ធអាំមេរិកដែលបានដំណើរការរយៈពេល២ថ្ងៃបានបិទបញ្ចប់នៅថ្ងៃទី២២ខែមីនា ដោយបានប្រកាសថា នឹងដំឡើងអត្រាការប្រាក់នៃមូលនិធិសហព័ន្ធចំនួន០,២៥%ពោលគឺដល់ចន្លោះពី៤,៧៥%ទៅ៥% ដូច្នេះ អត្រាការប្រាក់បានឡើងដល់កម្រិតខ្ពស់បំផុតគិតតាំងពីខែកញ្ញាឆ្នាំ២០០៧មក។
ថ្លែងក្នុងសេចក្តីថ្លែងការណ៍ដែលចេញផ្សាយនៅថ្ងៃដដែល ប្រព័ន្ធបម្រុងសហព័ន្ធអាមេរិកបានលើកឡើងថា ដើម្បីគាំទ្រដល់ឱកាសការងារក្នុងកម្រិតជាអតិបរមានិងគោលដៅលំនឹងអតិផរណាចំនួន២%ក្នុងរយៈពេលយូរ ប្រព័ន្ធបម្រុងសហព័ន្ធអាមេរិកសម្រេចចិត្តថា នឹងដំឡើងអត្រាការប្រាក់ដល់ចន្លោះពី៤,៧៥%ទៅ៥%។ប្រព័ន្ធបម្រុងសហព័ន្ធអាមេរិកនិងតាមដានព័ត៌មានថ្មីយ៉ាងដិតដល់ ព្រមទាំងវាយតម្លៃចំពោះឥទ្ធិពលរបស់វាទៅលើគោលនយោបាយរូបិយវត្ថុ តាមការប៉ាន់ប្រមាណ ការរឹតបន្តឹងគោលនយោបាយមួយចំនួនប្រហែលគឺមានភាពសមស្រប៕
