ថ្ងៃទី២០ខែមីនា លោកWangWenbin អ្នកនាំពាក្យក្រសួងការបរទេសចិនបានធ្វើជាអធិបតីក្នុងសន្និសីទកាសែតជាប្រចាំ។

     មានអ្នកសារព័ត៌មានសួរសំណួរថា  ក្នុងសន្និសីទលើកទី៥២ នៃក្រុមប្រឹក្សាសិទ្ធិមនុស្សនៃអង្គការសហប្រជាជាតិ  ប្រទេសចិនបានតំណាងឱ្យប្រទេសចំនួនជាង៧០ ថ្លែងសុន្ទរកថារួម ស្តីពីខួបអនុស្សាវរីយ៍ទី៧៥នៃការអនុម័ត《សេចក្តីប្រកាសស្តីពីសិទ្ធិមនុស្សពិភពលោក》 សូមអធិប្បាយលម្អិតពីរឿងនេះ។

      លោកWangWenbinបានថ្លែងថា សុន្ទរកថារួម បានលើកឡើងគំនិតផ្តួចផ្តើម៤ចំណុចស្តីពីការអនុវត្ត《សេចក្តីប្រកាសស្តីពីសិទ្ធិមនុស្សពិភពលោក》ថែមមួយកម្រិតទៀត។ ទីមួយ  សិទ្ធិសេដ្ឋកិច្ច សង្គមនិងវប្បធម៌  សិទ្ធិអភិវឌ្ឍន៍និងសិទ្ធិនយោបាយរបស់ប្រជាពលរដ្ឋ គឺបំពេញបន្ថែមគ្នាទៅវិញទៅមក គួរតែផ្តល់ការយកចិត្តទុកដាក់ដោយស្មើភាព។ ទីពីរ ត្រូវសម្រេចបាននូវសិទ្ធិអភិវឌ្ឍន៍ដោយតម្កល់ប្រជាជនជាស្នូល ធានាដល់សិទ្ធិរបស់ក្រុមងាយរងគ្រោះ លុបចោលវិធានការបង្ខិតបង្ខំដោយឯកតោភាគី ។ ទីបី  ប្រវត្តិសាស្ត្រ វប្បធម៌ របបសង្គម និងកម្រិតអភិវឌ្ឍន៍នៃសេដ្ឋកិច្ចសង្គមរបស់ប្រទេសនានា មានភាពខុសគ្នា គួរតែគោរពផ្លូវអភិវឌ្ឍសិទ្ធិមនុស្សដែលប្រទេសនានាជ្រើសរើសដោយខ្លួនឯង ។ ទីបួន ភាគីនានាត្រូវប្រមូលផ្តុំគំនិតឯកភាព  ប្រមូលផ្តុំទំនុកចិត្តទៅវិញទៅមក លុបបំបាត់ការប្រឈមដាក់គ្នានិងការបំបែកបំបាត់  រួមគ្នាជំរុញបុព្វហេតុការពារសិទ្ធិមនុស្សសកល  ដើម្បីបំពេញបន្ថែមនូវកម្លាំងចលករសម្រាប់《សេចក្តីប្រកាសស្តីពីសិទ្ធិមនុស្សពិភពលោក》៕