ប្រជាជាតិចិនជាប្រជាជាតិដ៏មហិមាលើពិភពលោក ហើយរួមចំណែកយ៉ាងសំខាន់ក្នុងការរីកចម្រើនទៅមុខរបស់អរិយធម៌មនុស្សជាតិ។

    លោកXiJinpingប្រធានរដ្ឋចិនបានគូសបញ្ជាក់ថា អរិយធម៌ប្រទេសចិនមានប្រវតិ្តសាស្ត្រយូរលង់ និងជ្រាលជ្រៅ ហើយជានិមិត្តសញ្ញាស្មារតីពិសេសរបស់ប្រជាជាតិចិន ជាមូលដ្ឋានគ្រឹះរបស់វប្បធម៌ចិន ជាចំណងស្មារតីដែលតភ្ជាប់ជនជាតិចិនទូទាំងពិភពលោក និងជាទ្រព្យសម្បត្តិនៃការច្នៃប្រឌិតថ្មីផ្នែកវប្បធម៌របស់ប្រទេសចិន។

    «វីដេអូទឹកខ្មៅ៖គិរីជលសារប្រៀបដូចជាផ្ទាំងគំនូរ»បានប្រៀបធៀបប្រវត្តិសាស្ត្រដែលស្វែងរកក្តីសុបិនជាមួយនឹងដំណើរខិតខំតស៊ូសម្រាប់កសាងប្រទេសខ្លាំងក្លាតាមរយៈការធ្វើទំនើបកម្មបែបផែនចិន។ធ្វើឱ្យយើងឈានទៅកាន់អនាគតចាប់ពីប្រវត្តិសាស្ត្រ ត្រួសត្រាយទៅមុខពីក្នុងការបន្តរក្សាឈាមជ័រវប្បធម៌របស់ប្រជាជាតិចិន បន្តវេនស្មារតីប្រជាជាតិ ខិតខំបង្កើតភាពត្រចះត្រចង់នៅយុគសម័យថ្មី និងបង្កើតសមិទ្ធផលដ៏មហិមាក្នុងប្រវត្តិសាស្ត្រ៕