តាមទិន្នន័យស្ថិតិដែលប្រកាសដោយរដ្ឋបាលជាតិស្ថិតិចិនកាលពីថ្ងៃទី១៥ខែមីនាបានបង្ហាញថា ពីខែមករាដល់ខែកុម្ភៈឆ្នាំនេះ ស្របតាមការកែសម្រួលនូវគោលនយោបាយបង្ការនិងគ្រប់គ្រង់ជំងឺឆ្លងប្រកបដោយល្បឿនលឿននិងមានភាពនឹងនរ គោលនយោបាយ លំនឹងសេដ្ឋកិច្ចបានបន្តលេចចេញនិន្នាការល្អ សូចនាករសេដ្ឋកិច្ចជាច្រើនបានងើបឡើងវិញនិងមាននិន្នាការល្អ ស្ថានការណ៍ទូទៅនៃសេដ្ឋកិច្ចមាននិន្នាការកើនឡើងយ៉ាងល្អ។
ទី១ ការស្តារឧស្សាហកម្មផលិតកម្មកំពុងត្រូវពន្លឿន ហើយការរំពឹងទុករបស់សហគ្រាសកំពុងមានភាពប្រសើរឡើង។ ពីខែមករាដល់ខែកុម្ភៈឆ្នាំ២០២៣ តម្លៃបន្ថែមនៃឧស្សាហកម្មខ្នាតធំនៅទូទាំងប្រទេសបានកើនឡើង២.៤% បើប្រៀបធៀបនឹងរយៈពេលដូចគ្នានៃឆ្នាំមុន និងបានកើនឡើង១.១ភាគរយ បើប្រៀបធៀបនឹងរយៈពេលដូចគ្នានៃខែធ្នូឆ្នាំ២០២២ គិតជាមធ្យមក្នុងរយៈពេលពីរឆ្នាំបានកើនឡើង៤.៩% ។
ទី២ វិស័យសេវាកម្មងើបឡើងវិញយ៉ាងលេចធ្លោ ។ ទី៣ ការលក់ដូរនៃទីផ្សារប្តូរពីការធ្លាក់ចុះទៅការកើនឡើង ការប្រើប្រាស់ផ្នែកជីវភាពរស់នៅជាមូលដ្ឋានមានការកើនឡើងយ៉ាងឆាប់រហ័ស។ ទី៤ ការវិនិយោគផ្នែកអចលនទ្រព្យកើនឡើងយ៉ាងនឹងនរ ការវិនិយោគផ្នែកឧស្សាហកម្មបច្ចេកទេសទំនើបមានកំណើនលឿនបង្គួរ។ ទី៥ ការនាំចេញនាំចូលទំនិញមានការធ្លាក់ចុះតិចតួច រចនាសម្ព័ន្ធពាណិជ្ជកម្មបន្តកែសម្រួល។ ទី៦ ស្ថានការណ៍នៃការប្រកបការងារមានស្ថិរភាពជាទូទៅ អត្រាបាត់បង់ការងារនៅទីក្រុងនិងជនបទមានស្ថិរភាពជាមូលដ្ឋាន។ ទី៧ សន្ទស្សន៍តម្លៃអ្នកប្រើប្រាស់មានការកើនឡើងតិចតួច សន្ទស្សន៍តម្លៃរបស់អ្នកផលិតកម្ម មានការធ្លាក់ចុះបើប្រៀបធៀបនឹងរយៈពេលដូចគ្នានៃឆ្នាំមុន៕