អ្នកសារព័ត៌មានបានទទួលដំណឹងពីការិយាល័យវិស្វកម្មយានអវកាសផ្ទុកមនុស្សចិនកាលពីថ្ងៃទី១២ខែមីនាឱ្យដឹងថា បច្ចុប្បន្ន ស្ថានីយអវកាសចិនកំពុងដំណើរការដោយរលូនតាមគន្លងតារាវិថី ក្រុមអវកាសយានិកនៃយានអវកាស Shenzhou -១៥មានសុខភាពល្អធម្មតា ហើយគ្រោងនឹងវិលត្រឡប់មកផែនដីវិញនៅខែមិថុនាខាងមុខនេះ។
អនុលោមតាមការរៀបចំ ឆ្នាំ២០២៣ប្រទេសចិននឹងបាញ់បង្ហោះយានអវកាសដឹកជញ្ជូន Tianzhou-៦ យានអវកាសShenzhou-១៦និងយានអវកាសផ្ទុកមនុស្សShenzhou-១៧ ដែលវាគឺជាភារកិច្ចហោះហើរលើកដំបូងបន្ទាប់ស្ថានីយអវកាសចិនសម្រេចការកសាងដោយគ្រប់ជ្រុងជ្រោយនិងឈានចូលដំណាក់កាលថ្មីនៃការប្រើប្រាស់និងការអភិវឌ្ឍ ។
សូមបញ្ជាក់ថា គម្រោងពិសោធន៍លើកដំបូងដែលជ្រើសរើសរួមដោយការិយាល័យវិស្វកម្មយានអវកាសផ្ទុកមនុស្សចិននិងនាយកដ្ឋានអវកាសនៃអង្គការសហប្រជាជាតិគ្រោងនឹងចាប់ផ្តើមនៅឆ្នាំនេះ ដើម្បីធ្វើពិសោធនិងស្រាវជ្រាវនៅស្ថានីយអវកាសចិន៕