ក្រុមហ៊ុនផ្លូវដែក Norfolk Southern ដែលកំពុងត្រូវមតិសាធារណៈរិះគន់យ៉ាងខ្លាំងដោយសារព្រឹត្តិការណ៍រថភ្លើងរអិលធ្លាក់ផ្លូវនៅឃុំ East Palestine នៃរដ្ឋOhio ដែលបណ្តាលឱ្យបំពុលបរិស្ថានយ៉ាងធ្ងន់ធ្ងរ បានកើតហេតុការណ៍រថភ្លើងរអិលធ្លាក់ផ្លូវម្តងទៀតនៅថ្ងៃទី៩ ខែមីនា។
នេះជាឧបទ្ទេវហេតុរថភ្លើងដឹកទំនិញរអិលធ្លាក់ផ្លូវលើកទី៣របស់ក្រុមហ៊ុននេះក្នុងរយៈពេល៥សប្តាហ៍កន្លងមក។ ប៉ុន្មានម៉ោងក្រោយដែលបន្ទាប់ពីបានកកើតហេតុ នាយកប្រតិបត្តិនៃក្រុមហ៊ុនផ្លូវដែក Norfolk Southern បានចូលរួមសវនាការជាសក្សីចំពោះករណី “រថភ្លើងដឹកសារធាតុពុល” នៅក្នុងរដ្ឋសភាអាមេរិក។ ទីភ្នាក់ងារព័ត៌មានAP បានផ្សាយថា ទោះបីជានាយកប្រតិបត្តិនៃក្រុមហ៊ុននេះបានសុំទោសចំពោះអ្នកស្នាក់នៅដែលបានរងឥទ្ធិពល ហើយបានសន្យាចេញថវិកាចំនួន ២០ សែនដុល្លាអាមេរិកសម្រាប់ជួយតំបន់ជុំវិញកសាងឡើងវិញក្តី ក៏ប៉ុន្តែហាក់ដូចជាមិនបានធ្វើឱ្យសមាជិកសភានិងអ្នកស្នាក់នៅឃុំ East Palestine ដែលបានទៅចូលរួមប្រជុំសវនាការនៅក្រុងវ៉ាស៊ីនតោនពេញចិត្តនោះទេ។
ព្រឹត្តិការណ៍ “រថភ្លើងដឹកសារធាតុពុល”រអិលធ្លាក់ផ្លូវបានកើតឡើងជាង១ខែហើយ អ្នកស្នាក់នៅឃុំ East Palestine បានថ្លែងថា នៅក្នុងផ្ទះនៅតែធុំក្លិនប្លែកៗនៃសារធាតុគីមី ហើយបានសម្គាល់ថា អ្វីដែលនាយកប្រតិបត្តិក្រុមហ៊ុនផ្លូវដែកធ្វើការពន្យល់មិនសូវគ្រប់គ្រាន់ទេ៕