ទាក់ទិននឹងករណីដែលពេលថ្មីៗនេះលោកស្រី Gina Raimondo រដ្ឋមន្ត្រីក្រសួងពាណិជ្ជកម្មអាមេរិកបានថ្លែងនៅពេលផ្តល់បទសម្ភាសន៍ថាកំពុងគិតពិចារណាពីការទៅបំពេញទស្សនកិច្ចនៅចិនក្នុងឆ្នាំនេះ មន្ត្រីក្រសួងពាណិជ្ជកម្មចិនបានឆ្លើយតបនៅថ្ងៃទី៨ខែមីនាថា ភាគីចិនបានមើលឃើញព័ត៌មានពាក់ព័ន្ធហើយ។ គិតត្រឹមពេលនេះមិនទាន់ទទួលបានសំណើពីភាគីអាមេរិកស្តីអំពីការធ្វើទស្សនកិច្ចនៅចិនរបស់លោកស្រីរដ្ឋមន្ត្រីRaimondo នោះទេ។ ភាគីចិនសម្គាល់ឃើញថា ការបន្តធ្វើកិច្ចពិភាក្សានិងទាក់ទងគ្នារវាងក្រសួងពាណិជ្ជកម្មនៃភាគីទាំងពីរគឺមានសារៈសំខាន់ ចិនប្រកាន់ខ្ជាប់អាកប្បកិរិយាបើកទូលាយចំពោះការដែលលោកស្រីរដ្ឋមន្ត្រីRaimondo មានបំណងមកបំពេញទស្សនកិច្ចនៅចិន។ ភាគីចិននឹងបន្តខិតខំដោះស្រាយបញ្ហាយកចិត្តទុកដាក់រួមតាមរយៈការពិគ្រោះពិភាក្សា ដើម្បីជំរុញកិច្ចសហប្រតិបត្តិការជាក់ស្តែងនិងមានលក្ខណៈស្ថាបនា៕