ថ្ងៃទី ៥ខែមីនា  ពេលផ្តល់បទសម្ភាសន៍តាម “ច្រកផ្លូវរដ្ឋមន្ត្រី” ដែលជាសន្និសីទកាសែតថ្នាក់រដ្ឋមន្ត្រីក្នុងអំឡុងពេលមហាសន្និបាតសភាតំណាងប្រជាជនទូទាំងប្រទេសចិនឆ្នាំ២០២៣  លោក Jin Zhuanglong  រដ្ឋមន្ត្រីក្រសួងឧស្សាហកម្មនិងព័ត៌មានវិទ្យាចិនបានឆ្លើយតបសំណួរពាក់ព័ន្ធវិស័យឧស្សាហកម្មដែលមតិសាធារណៈចាប់អារម្មណ៍នាពេលបច្ចុប្បន្ន។

      លោកបានលើកឡើងថា  នៅឆ្នាំ២០២២  តម្លៃបន្ថែមនៃឧស្សាហកម្មរបស់ប្រទេសចិនបានលើសពី 40 ទ្រីលានយាន់ប្រាក់ចិនជាលើកទី១។ ហើយវិស័យផលិតកម្មរបស់ចិនបានឈរនៅលំដាប់ទីមួយលើពិភពលោកក្នុងរយៈពេល ១៣ឆ្នាំជាប់ៗគ្នា។ នៅឆ្នាំនេះ ក្រសួងឧស្សាហកម្មនិងព័ត៌មានវិទ្យាចិននឹងផ្តោតលើការធ្វើកំពូលភាវូបនីយកម្ម វៃឆ្លាតភាវូបនីយកម្ម បៃតងភាវូបនីយកម្ម  នឹងបង្កើតរោងចក្រវៃឆ្លាតនិងខ្សែសង្វាក់ផ្គត់ផ្គង់វៃឆ្លាតមួយចំនួន, បន្តផលិតផលិតផលសំខាន់និងមានភាពជាតំណាងមួយចំនួននៃវិស័យយន្តហោះធុនធំ  បរិក្ខារប្រើប្រាស់ក្នុងសមុទ្រជ្រៅ វេជ្ជសាស្ត្រ  និងកសិកម្មជាដើម។ ក្នុងអំឡុងពេល “ផែនការ៥ឆ្នាំទី១៤” ប្រទេសចិននឹងជំរុញឱ្យកសាងរោងចក្រ5G  ចំនួនលើសពី១ម៉ឺន  ក៏ដូចជាបន្តបង្កើនកិច្ចសហប្រតិបត្តិការអន្តរជាតិ  ដើម្បីពន្លឿនការស្រាវជ្រាវខាងបច្ចេកវិទ្យា 6G៕