ថ្ងៃទី ៥ ខែមីនា កិច្ចប្រជុំលើកទី ១ នៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី ១៤ ដែលជាស្ថាប័នអំណាចកំពូលរបស់ប្រទេសចិនបានបើកធ្វើនៅវិមានសភាប្រជាជនចិននៅក្រុងប៉េកាំង ក្រោមវត្តមានអ្នកដឹកនាំបក្សនិងរដ្ឋនៃប្រទេសចិន ដូចជា លោក Xi Jinping ជាដើមព្រមនិងតំណាងប្រជាជនទូទាំងប្រទេសចិនចំនួន ៣ ពាន់រូប ។ លោក Li Keqiang នាយករដ្ឋមន្ត្រីចិនបានតំណាងឱ្យក្រុមប្រឹក្សាកិច្ចការរដ្ឋចិនធ្វើរបាយការណ៍ការងាររដ្ឋាភិបាលជូនចំពោះកិច្ចប្រជុំលើកទី ១ នៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី ១៤ ។

    សូមបញ្ជាក់ថា មហាសន្និបាតសភាតំណាងប្រជាជនទូទាំងប្រទេសចិននីតិកាលថ្មីនឹងបោះឆ្នោតជ្រើសរើសនិងសម្រេចតែងតាំងសមាជិកនៃស្ថាប័នជាតិអាណត្តិថ្មីរបស់ប្រទេសចិន ពិនិត្យពិភាក្សាពីរបាយការណ៍ការងាររដ្ឋាភិបាល កំណត់យ៉ាងច្បាស់នូវគោលដៅសំខាន់ៗនៃការអភិវឌ្ឍសេដ្ឋកិច្ចនិងសង្គមនិងគោលការណ៍ណែនាំអភិបាលកិច្ចនៃរដ្ឋាភិបាលក្នុងឆ្នាំ ២០២៣ ។

    យោងតាមរបៀបវារៈ មហាសន្និបាតក៏នឹងពិនិត្យពិភាក្សាសេចក្តីព្រាងច្បាប់ស្តីពីការធ្វើវិសោធនកម្មនីតិប្បញ្ញតិ្តនិងផែនការកំណែទម្រង់ស្ថាប័នក្រុមប្រឹក្សាកិច្ចការរដ្ឋផងដែរ ៕