តាមរបាយការណ៍មួយច្បាប់នៃវិទ្យាស្ថានគោលនយោបាយយុទ្ធសាស្ត្រអូស្ត្រាលីបានឱ្យដឹងថា ក្នុងចំណោមបច្ចេកវិទ្យាដ៏សំខាន់បំផុតនិងថ្មីបំផុតចំនួន៤៤មុខ របស់ប្រទេសចិន មាន៣៧មុខ បាននាំមុខគេលើពិភពលោក ។ ចំពោះការនេះ នៅថ្ងៃទី៣ខែមីនា លោកស្រីMaoNing អ្នកនាំពាក្យក្រសួងការបរទេសចិនបានថ្លែងនៅក្នុងសន្និសីទសារព័ត៌មានជាប្រចាំថា សមត្ថភាពនិងសមិទ្ធផលនៃការឆ្នៃប្រឌិតថ្មីផ្នែកវិទ្យាសាស្ត្រនិងបច្ចេកវិទ្យារបស់ប្រទេសចិន គឺគួរឱ្យកត់សម្គាល់ ការលើកកម្ពស់សមត្ថភាពវិទ្យាសាស្ត្រនិងបច្ចេកវិទ្យារបស់ប្រទេសចិន បានរួមចំណែកដល់វឌ្ឍនភាពនៃការអភិវឌ្ឍវិទ្យាសាស្ត្រនិងបច្ចេកវិទ្យាពិភពលោក។
លោកស្រីMaoNingបានសង្កត់ធ្ងន់ថា “ជានិច្ចកាលយើងតែងតែខិតខំធ្វើកិច្ចសហប្រតិបត្តិការឆ្នៃប្រឌិតថ្មីខាងផ្នែកវិទ្យាសាស្ត្រនិងបច្ចេកវិទ្យាជាមួយប្រទេសនានា ដើម្បីចែករំលែកផលប្រយោជន៍នៃការអភិវឌ្ឍ។ យើងប្រឆាំងនឹងអនុត្តរភាពផ្នែកបច្ចេកវិទ្យានិងការផ្តាច់ទំនាក់ទំនងនិងផ្តាច់ខ្សែសង្វាក់។ ភាគីចិនយល់ឃើញថា ការដែលធ្វើឱ្យបញ្ហាវិទ្យាសាស្ត្រនិងបច្ចេកវិទ្យាទៅជាបញ្ហានយោបាយ បញ្ហាអាវុធ បញ្ហាមនោគមវិជ្ជា និងបង្កើតជាក្រុមសម្ព័ន្ធតូច នៅទីបំផុតនឹងនាំមកនូវផលប៉ះពាល់ដល់ផលប្រយោជន៍របស់ពិភពលោកទាំងមូល។យើងយល់ឃើញជានិច្ចថា ការអភិវឌ្ឍនិងវឌ្ឍនភាពនៃវិទ្យាសាស្ត្រនិងបច្ចេកវិទ្យានៅទីចុងបំផុត គឺគួរបំរើដល់សភមង្គលនិងផលប្រយោជន៍របស់មនុស្សជាតិទាំងមូល ៕”