ថ្ងៃទី១ខែមីនា លោកស្រីMaoNingអ្នកនាំពាក្យក្រសួងការបរទេសចិនបានថ្លែងនៅពេលឆ្លើយសំណួរនៅក្នុងសន្និសីទកាសែតជាប្រចាំថា  គោលជំហររបស់ចិនលើបញ្ហាអ៊ុយក្រែន  គឺមិនផ្លាស់ប្តូរ និងមានភាពច្បាស់លាស់  ហើយបានឆ្លុះបញ្ចាំងនៅក្នុងឯកសារ《គោលជំហររបស់ប្រទេសចិនស្តីពីការដោះស្រាយវិបត្តិអ៊ុយក្រែនតាមវិធីនយោបាយ》ដែលបានចេញផ្សាយនៅពេលមុននេះមិនយូរប៉ុន្មាន  ហើយគន្លឹះរបស់វាគឺជំរុញឱ្យមានដំណោះស្រាយតាមរយៈការចរចាសន្តិភាព។

      ព្រមពេលជាមួយគ្នានេះ លោកស្រីMaoNingក៏បានគូសបញ្ជាក់ទៀតថា ភាគីចិនសង្ឃឹមសហគមន៍អន្តរជាតិនឹងដើរតួនាទីមានលក្ខណៈស្ថាបនា    ដើម្បីជំរុញឱ្យបន្ធូរបន្ថយកម្តៅនៃស្ថានការណ៍នៅអ៊ុយក្រែន ព្រមនិងដោះស្រាយវិបត្តិតាមវិធីនយោបាយ៕