ភាសាខ្មែរ

ព័ត៌មាន​សំខាន់​ៗ​

សេចក្តីប្រកាសនៃកិច្ចប្រជុំពេញអង្គលើកទី២នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី២០
2023-03-01 19:55:16cri
Share with:

     កិច្ចប្រជុំពេញអង្គលើកទី២នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី២០បានប្រារព្ធធ្វើនៅក្រុងប៉េកាំងពីថ្ងៃទី២៦ ដល់ថ្ងៃទី២៨ ខែកុម្ភៈ ។

     កិច្ចប្រជុំពេញអង្គលើកនេះបានដំណើរការក្រោមកិច្ចសម្របសម្រួលដោយការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន ។ លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិនបានថ្លែងសុន្ទរកថាគន្លឹះ ។

     កិច្ចប្រជុំពេញអង្គបានស្តាប់និងពិគ្រោះពិភាក្សាពីរបាយការណ៍ការងារនៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន ថ្លែងដោយលោក Xi Jinping ។ កិច្ចប្រជុំពេញអង្គបានពិនិត្យពិភាក្សានិងអនុម័តលើសេចកី្ដស្នើស្តីពីបញ្ជីឈ្មោះបេក្ខភាពថ្នាក់ដឹកនាំស្ថាប័នជាតិដែលនឹងដាក់ជូនកិច្ចប្រជុំលើកទីមួយនៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី ១៤ និងសេចកី្តស្នើស្តីពីបញ្ជីឈ្មោះបេក្ខភាពថ្នាក់ដឹកនាំសភាប្រឹក្សានយោបាយប្រជាជនទូទាំងប្រទេសចិនដែលនឹងដាក់ជូនកិច្ចប្រជុំលើកទីមួយនៃមហាសន្និបាតសភាប្រឹក្សានយោបាយប្រជាជនទូទាំងប្រទេសចិននីតិកាលទី ១៤ លើមូលដ្ឋានដែលបានសុំមតិយោបល់យ៉ាងទូលំទូលាយ និងបន្ទាប់ពីការធ្វើការពិគ្រោះពិភាក្សាជាច្រើនលើកពីសំណាក់ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន ។ កិច្ចប្រជុំពេញអង្គបានសម្រេចចិត្តនឹងដាក់សេចកី្តស្នើស្តីពីបញ្ជីឈ្មោះបេក្ខភាពទាំងពីរនេះជូនគណៈអធិបតីនៃកិច្ចប្រជុំលើកទីមួយនៃមហាសន្និបាតសភាតំណាងប្រជជនទូទាំងប្រទេសចិននីតិកាលទី ១៤ និងគណៈអធិបតីនៃកិច្ចប្រជុំលើកទីមួយនៃមហាសន្និបាតសភាប្រឹក្សានយោបាយទូទាំងប្រទេសចិននីតិកាលទី ១៤ ដើម្បីពិនិត្យពិភាក្សា។

កិច្ចប្រជុំពេញអង្គបានទទួលស្គាល់យ៉ាងពេញលេញនូវការងាររបស់ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិនតាំងពីកិច្ចប្រជុំពេញអង្គលើកទី១នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី២០មក ។ អង្គប្រជុំបានឯកភាពគ្នាថា ប្រឈមនឹងបរិយាកាសអន្តរជាតិដ៏ស្មុគស្មាញនិងភារកិច្ចដ៏លំបាកនិងធ្ងន់លើវិស័យកំណែទម្រង់ អភិវឌ្ឍន៍និងស្ថិរភាពក្នុងស្រុក ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិនបានអនុវត្តដោយគ្រប់ជ្រុងជ្រោយនូវស្មារតីនៃសមាជបក្សកុម្មុយនីសចិនលើកទី២០ និងកិច្ចប្រជុំពេញអង្គលើកទីមួយនៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី២០ ធ្វើឱ្យមានសុក្រឹតភាពនូវវិធានការបង្ការនិងគ្រប់គ្រងជំងឺកូវីដ១៩តាមសភាពការណ៍ខុសៗគ្នា ផ្តោតសំខាន់ទៅលើការជំរុញឱ្យសេដ្ឋកិច្ចងើបឡើងវិញដោយនឹងនរ ជំរុញការអភិវឌ្ឍប្រកបដោយគុណភាពខ្ពស់ ធ្វើឱ្យស៊ីជម្រៅនូវការគ្រប់គ្រងបក្សយ៉ាងតឹងរ៉ឹងដោយគ្រប់ជ្រុងជ្រោយថែមមួយកម្រិតទៀត ហើយការងារគ្រប់ផ្នែក សុទ្ធតែទទួលបានការវិវឌ្ឍរីកចម្រើនថ្មី ៕

 

 

 

អ្នកបកប្រែ:郭翔青
ប្លុកពិសេស