កាលពីថ្ងៃទី២៧ខែកុម្ភៈតាមម៉ោងក្នុងតំបន់ តាមការផ្សាយដំណឹងនៃប្រព័ន្ធសារព័ត៌មានអង់គ្លេសឱ្យដឹងថា អង់គ្លេសនិងសហភាពអឺរ៉ុបបានឈានដល់កិច្ចព្រមព្រៀងអំពីការដោះស្រាយវិវាទពាណិជ្ជកម្មនៃអៀរឡង់ខាងជើងបន្ទាប់ពី “ដកខ្លួនចេញពីសហភាពអឺរ៉ុប” ។
គួរបញ្ជាក់ថា បន្ទាប់ពីអង់គ្លេសដកខ្លួនចេញពីសហភាពអឺរ៉ុប អនុលោមតាម《ពិធីសារស្តីពីអៀរឡង់ខាងជើង》ដែលបានចុះហត្ថលេខាកាលនោះឱ្យដឹងថា ដើម្បីធានាឋានៈរបស់អៀរឡង់ខាងជើងក្នុងសម្ព័ន្ធពន្ធគយ ភាគីពាក់ព័ន្ធសម្រេចបង្កើតប៉ុស្តិ៍ត្រួតពិនិត្យទំនិញរវាងកោះ Great Britain និងតំបន់អៀរឡង់ខាងជើងរបស់អង់គ្លេស ។ ទង្វើនេះបានបង្កផលប៉ះពាល់ដល់សេរីភាពនៃចរាចរណ៍ទំនិញនៅទីផ្សារក្នុងស្រុករបស់អង់គ្លេស ដូច្នេះ បានរងការប្រឆាំងយ៉ាងខ្លាំងពីបក្សបង្រួបបង្រួមប្រជាធិបតេយ្យរបស់អៀរឡង់ខាងជើង ក៏ដូចជាបណ្តាលឱ្យរដ្ឋបាលអៀរឡង់ខាងជើងស្ថិតក្នុងសភាពការណ៍ជាប់គាំងរហូតមកផងដែរ ។
ការឈានដល់កិច្ចព្រមព្រៀងថ្មីលើកនេះ គឺមានអំណោយផលដល់ការដោះស្រាយវិវាទក្នុងវិស័យចាត់ចែងផ្នែកពាណិជ្ជកម្មនៅតំបន់អៀរឡង់ខាងជើងរវាងអង់គ្លេសនិងសហភាពអឺរ៉ុប ដើម្បីបន្ធូរបន្ថយភាពតានតឹងនៃទំនាក់ទំនងរវាងអង់គ្លេសនិងសហភាពអឺរ៉ុបនៅពេលអនាគត ៕