ថ្ងៃទី២៧ខែកុម្ភៈ តាមដំណឹងនៃទីភ្នាក់ងារព័ត៌មានរុស្ស៊ីឱ្យដឹងថា លោកPéterSzijjártó រដ្ឋមន្ត្រីការបរទេសហុងគ្រីបានថ្លែងនៅពេលផ្តល់បទសម្ភាស៍ជាមួយប្រព័ន្ធផ្សព្វផ្សាយថា ហេតុការណ៍ផ្ទុះបំពង់បង្ហូរឧស្ម័នធម្មជាតិNord Streamគួរចាត់ទុកថាជាការវាយប្រហារដោយភេរវកម្ម ព្រមទាំងបានអំពាវនាវឱ្យអង្គការសហប្រជាជាតិចូលរួមក្នុងការស៊ើបអង្កេតចំពោះហេតុការណ៍លើកនេះ ។
លោកPéterSzijjártó បានថ្លែងថា ហុងគ្រីគាំទ្រការស៊ើបអង្កេតចំពោះហេតុការណ៍ផ្ទុះបំពង់បង្ហូរឧស្ម័នNord Streamដោយលម្អិតនិងគ្រប់ជ្រុងជ្រោយ ។លោកបានគូសបញ្ជាក់ថា “ការវាយប្រហារបែបនេះត្រូវចាត់ទុកថា ជាការវាយប្រហារដោយភេរវកម្ម ។ យើងគាំទ្រការស៊ើបអង្កេតចំពោះហេតុការណ៍ដែលបានកើតឡើងដោយគ្រប់ជ្រុងជ្រោយ ស៊ីជម្រៅ ជាប្រព័ន្ធនិងលម្អិត ។ ”
លោកPéterSzijjártó បានថ្លែងទៀតថា “មិនថាអ្នកណាបានធ្វើអ្វីចំពោះបំពង់បង្ហូរឧស្ម័នធម្មជាតិNord Streamក៏ដោយ សុទ្ធតែជារឿងដ៏អាម៉ាស់ ។ ពីព្រោះថា នេះជាលើកទីមួយហើយដែលហេដ្ឋារចនាសម្ព័ន្ធគន្លឹះដ៏ធំរបស់អឺរ៉ុបត្រូវរងការវាយប្រហារ ។”