តាមការផ្សាយដំណឹងនៃស្ថានីយទូរទស្សន៍AlJazeeraឱ្យដឹងថា នៅថ្ងៃទី២៦ខែកុម្ភៈតាមម៉ោងក្នុងតំបន់  មន្ត្រីជាន់ខ្ពស់របស់ប៉ាឡេស្ទីននិងអ៊ីស្រាអែលបានធ្វើការចរចានៅទីក្រុងAl-Aqabah ដែលជាទីក្រុងភាគខាងត្បូងនៃហ្ស៊កដានី ដោយឯកភាពគ្នាថានឹងចាត់វិធានការសម្រាប់ទប់ស្កាត់អំពើហិង្សានិងបន្ធូរស្ថានការណ៍។

បទរាយការណ៍បានឱ្យដឹងថា   បន្ទាប់ពីបញ្ចប់ការចរចានៅថ្ងៃដដែល  ភាគីទាំងពីរប៉ាឡេស្ទីននិងអ៊ីស្រាអែលបានចេញសេចក្តីថ្លែងការណ៍រួមមួយ ។ សេចក្តីថ្លែងការណ៍បានចែងថា ភាគីទាំងពីរបានឆ្លងតាមរយៈ“ការពិភាក្សាយ៉ាងស៊ីជម្រៅនិងស្មោះត្រង់ ”ហើយយល់ព្រមជាឯកច្ឆន្ទថា“ចាំបាច់ត្រូវចាត់វិធានការដើម្បីបន្ធូរស្ថានការណ៍ហើយបង្ការមិនឱ្យមានអំពើហិស្សាកើតមានថែមទៀត ”។  ភាគីអ៊ីស្រាអែលបានសន្យាផងដែរថា  “នឹងផ្អាកការសិក្សាអំពីការកសាងទីលំនៅរបស់ជនជាតិជីហ្វ ក្នុងរយៈពេល៤ខែ  ហើយនឹងផ្អាកការអនុម័តកសាងទីលំនៅថ្មីរបស់ជនជាតិជីហ្វក្នុងរយៈពេល៦ខែ ”។

  មន្រ្តីរបស់ហ្ស៊កដានី អាមេរិកនិងអេហ្ស៊ីបក៏បានចូលរួមក្នុងការចរចាលើកនេះផងដែរ ។ ភាគីនានាបានយល់ឃើញថា  សមិទ្ធផលនៃការចរចា គឺជាការវិវឌ្ឍដ៏ធំមួយដែល“ភាគីទាំងពីរប៉ាឡេស្ទីននិងអ៊ីស្រាអែលបានស្តារឡើងវិញនិងធ្វើឱ្យស៊ីជម្រៅនូវទំនាក់ទំនងទ្វេភាគី” ៕