តាមការផ្សាយដំណឹងឱ្យដឹងថា សហរដ្ឋអាមេរិកយកលេសនូវអ្វីដែលហៅថា “ពលកម្មដោយបង្ខំ” ឃាត់ទុកផលិតផលអាលុយមីញ៉ូមដែលមកពីតំបន់ស៊ីនជាំង។ទាក់ទិននឹងរឿងនេះ នៅក្នុងសន្និសីទសារព័ត៌មានជាប្រចាំកាលពីថ្ងៃទី២ខែកុម្ភៈ លោកស្រី Mao Ning អ្នកនាំពាក្យក្រសួងការបរទេសចិនបានដាស់តឿនឱ្យសហរដ្ឋអាមេរិកបញ្ឈប់ការគាប់សង្កត់ចំពោះសហគ្រាសប្រទេសចិនដោយគ្មានហេតុផល ។
លោកស្រី Mao Ning បានថ្លែងថា សហរដ្ឋអាមេរិកបានប្រើ អ្វីដែលហៅថា“ពលកម្មដោយបង្ខំ” ដែលមិនមានសោះនៅតំបន់ស៊ីនជាំងជាលេស ដើម្បីធ្វើឱ្យកិច្ចសហប្រតិបត្តិការសេដ្ឋកិច្ចពាណិជ្ជកម្មដែលស្របច្បាប់ក្លាយជាបញ្ហានយោបាយ ឃាត់ទុកផលិតផលពាក់ព័ន្ធដោយខុសច្បាប់ ដែលបានល្មើសនឹងច្បាប់បទប្បញត្តិពាណិជ្ជកម្មអន្តរជាតិ បំផ្លាញភាពនឹងនរនៃខ្សែសង្វាក់ផ្គត់ផ្គង់អន្តរជាតិ ហើយទីបំផុតក៏នឹងមានផលប៉ះពាល់ដល់សហរដ្ឋអាមេរិកផងដែរ។ ប្រទេសចិនដាស់តឿនឱ្យសហរដ្ឋអាមេរិកបញ្ឈប់ការធ្វើការគាបសង្កត់ចំពោះសហគ្រាសប្រទេសចិនដោយគ្មានហេតុផល ហើយប្រទេសចិននឹងចាត់វិធានការចាំបាច់ដើម្បីគាំពារផលប្រយោជន៍ ស្របច្បាប់របស់សហគ្រាសប្រទេសចិនយ៉ាងដាច់ខាត៕