លោក Ge Yuande ឆ្នាំនេះអាយុ ៦០ឆ្នាំហើយ កាលពីក្មេង លោកជាកម្មករដឹកថ្មម្នាក់នៅភូមិ Yucun ខេត្ត Zhejiang ភាគខាងកើតប្រទេសចិន។ ការជីករករ៉ែថ្ម បានធ្វើឱ្យភូមិ Yucun ដែលស្ថិតក្នុងធម្មជាតិស្អាតត្រូវបានបំពុលយ៉ាងធ្ងន់ធ្ងរ ហើយក៏បានបណ្តាលឱ្យអ្នកភូមិជាច្រើនដូចជាលោក Ge Yuande ជាដើម កើតជំងឺយ៉ាងធ្ងន់ធ្ងរដែលបណ្ដាលមកពីធ្វើការលើសទម្ងន់។
កាលពីឆ្នាំ២០០៥ លោក Xi Jinping ដែលកាលនោះជាលេខាធិការគណកម្មាការបក្សកុម្មុយនីស្តចិនប្រចាំខេត្ត Zhejiang បានអញ្ជើញទៅត្រួតពិនិត្យការងារតាមភូមិ Yucun ហើយបានលើកឡើងជាលើកទីមួយថា “ទឹកស្អាតនិងភ្នំបៃតងជាភ្នំមាសភ្នំប្រាក់”។ ក្រោមការណែនាំនៃទស្សនៈនេះ ភូមិ Yucun បានបិទសហគ្រាសដែលបំពុលបរិស្ថានយ៉ាងធ្ងន់ធ្ងរដូចជារោងរ៉ែកំបោរ រោងចក្រស៊ីម៉ង់ត៍ជាបណ្តើរៗ ហើយបានផ្តោតលើការអភិវឌ្ឍតាមរយៈអេកូឡូស៊ី និងកែលម្អបរិស្ថាន ដែលប្រែខ្លួនពីតំបន់រ៉ែជាតំបន់ទេសចរណ៍។
បរិស្ថានអេកូឡូស៊ីដ៏ស្អាតបានទាក់ទាញភ្ញៀវទេសចរណ៍មកដើរលេងជាហូរហែលោក Ge Yuande បានសាងសង់ផ្ទះសំណាក់ ។ ឥឡូវនេះ ការងារសំខាន់របស់លោកគឺបម្រើភ្ញៀវទេសចរណ៍ ធ្វើការងាយៗ ចំណូលក៏ច្រើនទៀត។ ពេលទំនេរ លោកទៅរកថ្មប្លែកៗក្នុងភ្នំ ដើម្បីកែច្នៃជាវត្ថុអនុស្សាវរីយ៍ដាក់លក់តាមហាង។ ជាមួយការកែសម្រួលយ៉ាងល្អនៃបរិស្ថាន ទំពាំងឬស្សីក្នុងភ្នំក៏លូតលាស់យ៉ាងល្អដែរ។ ពេលមានទំពាំង លោកឡើងភ្នំជីកយកទំពាំង ភ្លក់រសជាតិបន្លែធម្មជាតិជាមួយក្រុមគ្រួសារ៕