ស្របនឹងពេលដែលលំហូរនៃអ្នកធ្វើដំណើរត្រឡប់ពីស្រុកកំណើតវិញនៅតែខ្ពស់ដដែល ក្រោយពីថ្ងៃបុណ្យចូលឆ្នាំចិន ចាប់ពីថ្ងៃទី ២៦ ដល់ថ្ងៃទី ៣០ ខែមករា ផ្លូវដែកចិនបានដឹកអ្នកដំណើរលើសពី១០ លាននាក់ក្នុងរយៈពេល ៥ ថ្ងៃជាប់ៗគ្នា។ ស្ថាប័នផ្លូវដែកបានបំពេញតម្រូវការធ្វើដំណើររបស់អ្នកដំណើរក្នុងអំឡុងពេលដ៏ពិសេសនេះដោយបន្ថែមជើងរថភ្លើងបណ្តោះអាសន្ន និងកែសម្រួលសមត្ថភាពដឹកជញ្ជូនតាមសភាពការណ៍ជាក់ស្តែង។ អ្នកយកព័ត៌មានបានទទួលដំណឹងពីក្រុមហ៊ុនផ្លូវដែកជាតិចិនឱ្យដឹងថា តាមការប៉ាន់ប្រមាណនៅថ្ងៃទី៣០ខែមករា  ផ្លូវដែកជាតិចិន ដឹកអ្នកដំណើរចំនួន ១១，២ លាននាក់ ដែលមានរថភ្លើងដឹកអ្នកដំណើរ ១០，៤២២ ជើង។