កាលពីថ្ងៃទី ២៨ តាមម៉ោងក្រុងប៉េកាំង អ្នកនាង Gu Ailing អត្តពលិកចិនបានបង្ហោះសារតាមបណ្តាញទំនាក់ទំនងសង្គមផ្ទាល់ខ្លួនរបស់នាងថា ដោយសារតែខ្លួនមានរបួសក្នុងអំឡុងពេលហ្វឹកហាត់ ដូច្នេះសម្រេចចិត្តដកខ្លួនចេញពីការប្រកួត World X Games ដែលធ្វើឡើងនៅក្រុង Aspen សហរដ្ឋអាមេរិក ។

អ្នកនាង Gu Ailing បានចូលរួមក្នុងព្រឹត្តិការណ៍នេះជាលើកដំបូងក្នុងឆ្នាំ ២០២១ ហើយបានឈ្នះមេដាយមាសក្នុងវិញ្ញាសាជិះស្គីសេរីបែប U-shaped និងជំនាញឆ្លងឧបសគ្គពេលចុះជម្រាលនិងមេដាយសំរឹទ្ធក្នុងការប្រកួតវិញ្ញសាជិះស្គី Big Air ។

នៅក្នុងការប្រកួតលើកនេះ ដើមឡើយនាងគ្រោងនឹងចូលរួមក្នុងការប្រកួតវិញ្ញាសាជិះស្គីបែបសេរី U-shaped និងការប្រកួតជំនាញឆ្លងឧបសគ្គពេលចុះជម្រាល ។