ទាក់ទិននឹងរឿងដែលអត្តពលិករុស្ស៊ីមានសង្ឃឹមអាចវិលត្រឡប់មកឆាកប្រកួតកីឡាអន្តរជាតិវិញក្នុងនាមជា“អត្តពលិកអព្យាក្រឹត” ថ្ងៃទី២៦ខែមករា លោកIgorLevitinអនុប្រធាននៃគណៈ កម្មាធិការកីឡាអូឡាំពិករុស្ស៊ីបានថ្លែងថា បើនិយាយចំពោះរុស្ស៊ី នេះមានសារៈសំខាន់ណាស់។
ថ្ងៃទី២៥ខែមករា គណៈកម្មាធិការកីឡាអូឡាំពិកអន្តរជាតិបានបើកធ្វើកិច្ចប្រជុំនៃគណៈកម្មាធិការប្រតិបត្តិ ដោយបានចេញសេចក្តីថ្លែងការណ៍ថា ក្រោមលក្ខខណ្ឌយ៉ាងតឹងរ៉ឹង នឹងស្វែងរកមធ្យោបាយ ដើម្បីអនុញ្ញាតឱ្យអត្តពលិករុស្ស៊ីនិងបេឡារុស្សវិលត្រឡប់មកឆាកអន្តរជាតិវិញក្នុងនាមជា“អត្តពលិកអព្យាក្រឹត” ។ នេះគឺមានន័យថា នៅក្នុងការប្រកួតកីឡាអូឡាំពិកទីក្រុងប៉ារីសឆ្នាំ២០២៤ អត្តពលិកប្រទេសទាំង២នេះដែលសមស្របនឹងលក្ខខណ្ឌ នឹងមានលទ្ធភាពខ្ពស់អាចចូលរួមក្នុងការប្រកួត។
លោកLevitinបានថ្លែងថា ខ្ញុំជឿជាក់ថា នេះគឺជាភាពជោគជ័យម្យ៉ាងរួចហើយ។ ការដែលអត្តពលិករបស់ពួកយើងត្រូវអនុញ្ញាតិឱ្យចូលរួមក្នុងការប្រកួតកីឡាអូឡាំពិកនិងការប្រកួតកីឡាអន្តរជាតិ វាមានសារៈសំខាន់ណាស់ចំពោះពួកយើង៕