វីរុសកូវីដ ១៩ ដែលរីករាលដាលនៅទូទាំងប្រទសេចិនចាប់ពីដំណាច់ឆ្នាំ ២០១៩ មក រហូតដល់បច្ចុប្បន្នបានបម្លែងជិតមួយពាន់ដង។ គិតមកទល់ថ្ងៃទី៨ ខែមករាឆ្នាំ ២០២៣ នៅទូទាំងពិភពលោកបានរកឃើញករណីឆ្លងជំងឺកូវីដ ១៩ សរុប ៦៦៤ លានករណី ស្លាប់ ៦.៧លាននាក់។
ស្ថិតនៅចំពោះមុខនឹងគ្រោះមហន្តរាយលើកនេះ ប្រទេសចិនបានចាត់វិធានការបង្ការនិងគ្រប់គ្រងដោយទៀងទាត់តាមបែបវិទ្យាសាស្ត្រ ដែលបានឆ្លើយតបប្រកបដោយប្រសិទ្ធភាពនឹងការប៉ះពាល់ពីរលករីករាលដាលនៃជំងឺកូវីដ ១៩ ប្រាំលើកនៅទូទាំងពិភពលោក ដោះស្រាយដោយមានប្រសិទ្ធភាពនូវសភាពរីករាលដាលមានលក្ខណៈប្រមូលផ្តុំជាង ១០០ លើកក្នុងស្រុក បញ្ច្រៀសដោយជោគជ័យនូវការរីករាលដាលទ្រង់ទ្រាយធំនៃវីរុសដើម និងវីរុសបម្លែងដែលមានសមត្ថភាពចម្លងខ្លាំង កាត់បន្ថយយ៉ាងខ្លាំងនូវករណីធ្ងន់ធ្ងរនិងករណីស្លាប់។ ក្នុងរយៈពេល ៣ ឆ្នាំកន្លងមក ក្នុងការប្រយុទ្ធប្រឆាំងនឹងជំងឺកូវីដ ១៩ របស់ជនជាតិចិនចំនួន ១៤០០ លាននាក់ បានលេចចេញរឿងរ៉ាវដ៏មានភាពកក់ក្តៅនិងរំភើបចិត្តយ៉ាងច្រើន៕