ថ្ងៃទី២០ខែមករាឆ្នាំ២០២៣លោកWang Wenbinអ្នកនាំពាក្យក្រសួងការបរទេសចិន
បានថ្លែងក្នុងសន្និសីទកាសែតជាប្រចាំថា បន្ទាប់ពីរដ្ឋាភិបាលចិនប្រកាសគោល
នយោបាយស្តីពីការបង្ការនិងគ្រប់គ្រងជំងឺកូវីដ១៩«ថ្នាក់Bគ្រប់គ្រងតាមថ្នាក់B»និងវិធានការបណ្តោះអាសន្នស្តីពីជនជាតិចិននិងជនបរទេសចេញចូលដែនប្រទេសចិនរួចមក សភាពការណ៍ឆ្លងជំងឺកូវីដ១៩ជាទូទៅក្នុងប្រទេសចិនបានស្ថិតនៅកម្រិត
ទាប ហើយចំនួនអ្នកចេញចូលដែនប្រទេសចិនបានកើនឡើងជាបន្តបន្ទាប់។
លោកWang Wenbinបានបញ្ជាក់ថា ពេលថ្មីៗកន្លងមកនេះ ផលិតកម្មនិងការ
រស់នៅរបស់ប្រជាជនមានភាពប្រក្រតីឡើងវិញទាំងស្រុង ហើយពលរដ្ឋចិនមាន
បំណងចង់ធ្វើទេសចរណ៍នៅក្រៅប្រទេសកាន់តែខ្លាំងឡើង ហើយល័ក្ខខ័ណ្ឌ
សម្រាប់ធ្វើទេសចរណ៍ឡើងវិញក៏កាន់តែចាស់ទុំដែរ។
លោកបានបន្តថា អនុលោមតាមវិធានការបណ្តោះអាសន្នស្តីពីជនជាតិចិននិង
ជនបរទេសចេញចូលដែនប្រទេសចិននិងគោលការណ៍ដែលមានសុវត្ថិភាពនិង
មានសណ្តាប់ធ្នាប់ ភាគីចិនចាប់ផ្តើមសាកល្បងស្តារឡើងវិញនូវការធ្វើទេសចរណ៍របស់ពលរដ្ឋចិននៅក្រៅប្រទេសចិន ស្ថាប័នមានសមត្ថកិច្ចនឹងណែនាំ
សហគ្រាសទេសចរណ៍រៀបចំដោយម៉ត់ចត់។ទន្ទឹមនឹងនេះដែរ យើងក៏រំលឹកដល់
អ្នកទេសចរគ្រប់គ្រងនិងពិនិត្យសុខភាពរបស់ខ្លួនឯងឲ្យបានល្អមុនពេលចេញដំណើរ ហើយគោរពយ៉ាងម៉ឺងម៉ាត់តាមការកំណត់អំពីការបង្ការនិងគ្រប់គ្រងជំងឺ
ឆ្លងរបស់ប្រទេសចិននិងក្នុងតំបន់ដើម្បីធានាការធ្វើដំណើរនិងនិវត្តន៍ប្រទេស
ដោយសុវត្ថិភាពនិងសប្បាយរីករាយ៕