ថ្ងៃទី១៤ខែមករា តាមម៉ោងក្នុងតំបន់ រដ្ឋលេខាធិការក្រសួងការបរទេសនិងសេដ្ឋកិច្ចចំពោះបរទេសនៃហុងគ្រី បានថ្លែងថា បរិមាណប្រេងកាតនិងឧស្ម័នធម្មជាតិដែលហុងគ្រីទទួលបានពីរុស្ស៊ី នឹងមិនអាចជំនួសបានទេក្នុងរយៈពេលដ៏ខ្លី។
មន្ត្រីរូបនេះបានថ្លែងថា លក្ខខណ្ឌជាមូលដ្ឋានចំនួន២នៃសន្តិសុខថាមពលរបស់ប្រទេសហុងគ្រី គឺការបន្តនាំចូលប្រេងឆៅពីប្រទេសរុស្ស៊ី និងការផ្គត់ផ្គង់ឧស្ម័នធម្មជាតិតាមបំពង់របស់រុស្ស៊ីយ៉ាងរលូន។ យោងតាមស្ថិតិឱ្យដឹងថា ឧស្ម័នធម្មជាតិរបស់រុស្ស៊ីត្រូវជា៨៥ភាគរយនៃការប្រើប្រាស់ឧស្ម័នធម្មជាតិរបស់ប្រទេសហុងគ្រី ហើយប្រេងរុស្ស៊ីត្រូវជា៦៥ភាគរយនៃតម្រូវការប្រេងកាតរបស់ប្រទេសហុងគ្រី។ ទោះបីជាហុងគ្រីកំពុងស្វែងរកមធ្យោបាយច្រើនបែបយ៉ាងក្នុងការផ្គត់ផ្គង់ថាមពលជាប់រហូតក៏ដោយ ក៏ប៉ុន្តែត្រូវការប្រាក់ទុននិងពេលវេលាជាច្រើន ដូច្នេះបរិមាណផ្គត់ផ្គង់ថាមពលរបស់រុស្ស៊ីចំពោះហុងគ្រីនាពេលបច្ចុប្បន្ន គឺមិនអាចជំនួសបានទេ៕