ទាក់ទិននឹងហេតុការណ៍ដែលអាមេរិកតម្រូវឱ្យទេសចរមកពីប្រទេសចិនទទួលការធ្វើតេស្តអាស៊ីដុនយក្លេអ៊ីចពិនិត្យមុនពេលចេញដំណើរ នៅថ្ងៃទី១៣ខែមករា លោកWang Wenbinអ្នកនាំពាក្យក្រសួងការបរទេសចិនបានគូសបញ្ជាក់នៅសន្និសីទសារព័ត៌មានជាប្រចាំថា តាំងពីផ្ទុះការរីករាលដាលនៃជំងឺកូវីដ១៩មក ជានិច្ចកាល ភាគីចិនតែងតែប្រកាន់ខ្ជាប់គោលការណ៍ស្របតាមច្បាប់ ទាន់ពេលវេលា បើកចំហនិងមានតម្លាភាព ចែករំលែកព័ត៌មាននិងនិន្នន័យពាក់ព័ន្ធជាមួយសហគមន៍អន្តរជាតិ ហើយបន្តចែករំលែកនូវលំដាប់ហ្សែននៃករណីឆ្លងវីរុសកូវីដ១៩នៅប្រទេសចិន ជាមួយនឹងអង្គការសុខភាពពិភពលោក និងធនាគារនិន្នន័យចែករំលែកគ្រុនផ្តាសាយសកល ដែលបានរួមចំណែកយ៉ាងសកម្មដល់ការស្រាវជ្រាវនិងផលិតវ៉ាស់សាំងនិងឳសថនៃប្រទេសនានា ។
លោកWangWenbinបានចង្អុលបង្ហាញថា យោងតាមទិន្នន័យដែលចេញផ្សាយដោយមជ្ឈមណ្ឌលគ្រប់គ្រងជំងឺឆ្លងអាមេរិកបង្ហាញឱ្យដឹងថា បច្ចុប្បន្ននេះ វីរុសបម្លែងថ្មីXBB.១.៥កំពុងរីករាលដាលយ៉ាងលឿននៅប្រទេសអាមេរិក ដែលបានក្លាយទៅជាវីរុសដែលមាននិន្នាការកើនឡើងលឿនបំផុតនៅអាមេរិក បណ្តាលឱ្យមានករណីឆ្លងលើសពី៤០.៥ភាគរយ។ ភាគីអាមេរិក គួរចែករំលែកព័ត៌មានអំពីការរីករាលដាលនៃជំងឺកូវីដ១៩ និងទិន្នន័យវីរុសជាមួយអង្គការសុខាភាពពិភពលោកនិងសហគមន៍អន្តរជាតិដោយទាន់ពេលវេលា បើកចំហនិងមានតម្លាភាព ហើយឆ្លើយតបយ៉ាងសកម្មនូវការយកចិត្តទុកដាក់របស់សហគមន៍អន្តរជាតិ ដើម្បីទប់ទល់ជាមួយគ្នា។