អ្នកយកព័ត៌មានយកដំណឹងពីកិច្ចប្រជុំរបស់អ្នកទទួលខុសត្រូវសហគ្រាសរដ្ឋចិនដែលធ្វើឡើងដោយគណៈកម្មការត្រួតពិនិត្យនិងគ្រប់គ្រងទ្រព្យសម្បត្តិរដ្ឋនៃក្រុមប្រឹក្សាកិច្ចការរដ្ឋចិនកាលពីថ្ងៃទី៥ខែមករា ថា ក្នុងឆ្នាំ២០២២ ពេលប្រឈមមុខនឹងកត្តាអវិជ្ជមានជាច្រើន ដូចជាជំងឺឆ្លង និងអតិផរណាសកលជាដើម សូចនាករអាជីវកម្មសំខាន់ៗរបស់សហគ្រាសរដ្ឋចិនបានកើនឡើងយ៉ាងខ្លាំង ដែលសម្រេចបានលទ្ធផលល្អ ក្លាយជា "សសរទ្រូង" នៃសេដ្ឋកិច្ចចិន។

តាមទិន្នន័យឱ្យដឹងថា សហគ្រាសរដ្ឋត្រូវបានប៉ាន់ប្រមាណថានឹងបានប្រាក់ចំណូលអាជីវកម្មចំនួន៣៩，៤ ទ្រីលានយាន់ប្រាក់ចិនក្នុងឆ្នាំ ២០២២  កើនឡើង ៨.៣% ប្រាក់ចំណេញសរុប ២，៥៥ ទ្រីលានយាន់ប្រាក់ចិន កើនឡើង ៥.៥% ប្រាក់ចំណេញសុទ្ធ ១，៩ ទ្រីលានយាន់ប្រាក់ចិនកើនឡើង ៥ % ហើយអត្រាកំណើននៃប្រសិទ្ធផលគឺខ្ពស់ជាងកំណើន GDP។