កាលពីថ្ងៃទី ២ ខែមករា តាមម៉ោងក្នុងតំបន់ តាមស្ថិតិថ្មីបំផុតពីសាលាអយ្យការរដ្ឋ Chihuahua ប្រទេសម៉ិកស៊ិកឱ្យដឹងថា មានមនុស្សយ៉ាងហោចណាស់ ១៩ នាក់បានស្លាប់និង ១៥ នាក់ទៀតរងរបួសក្នុងអំពើកុបកម្មដែលកើតឡើងនៅពន្ធនាគារ និងករណីហែកគុកដែលបានកើតឡើងនៅទីក្រុង Juárez រដ្ឋ Chihuahua កាលពីថ្ងៃទី១ ខែមករា ។
រដ្ឋាភិបាលសហព័ន្ធម៉ិកស៊ិកបានចេញផ្សាយព័ត៌មានបញ្ជាក់ថា បច្ចុប្បន្ន សមាជិកក្រុមប្រដាប់អាវុធចំនួន ៥ នាក់ដែលពាក់ព័ន្ធនឹងការប្លន់ពន្ធនាគារត្រូវបានចាប់ខ្លួន ។ អ្នកទោសម្នាក់ក្នុងចំណោមអ្នកទោស ២៥ នាក់ដែលហែកគុក គឺជាមេខ្លោងនៃក្រុមជួញដូរគ្រឿងញៀនក្នុងតំបន់ ដែលត្រូវបានចាត់ទុកថាជាមុខសញ្ញាសំខាន់នៃការប្លន់ពន្ធនាគារលើកនេះ។