នៅឆ្នាំ២០២២លោក XiJinping បានដឹកនាំប្រជាជនចិនគ្រប់ជនជាតិបន្តតស៊ូឆ្ពោះទៅមុខ ដើម្បីចាប់ផ្តើមទំព័រថ្មីនៃដំណើរការកសាងប្រទេសជាតិជាប្រទេសទំនើបសង្គមនិយម។កាលពីដើមឆ្នាំ២០២២រឿងរ៉ាវមួយអំពីការតស៊ូ បំណងប្រាថ្នា សមគីភាពនិងសន្តិភាពបានចាប់ផ្តើមឡើងពីទីក្រុងប៉េកាំង។
នាយប់ថ្ងៃទី៤ ខែកុម្ភៈឆ្នាំ២០២២ លោក XiJinping បានប្រកាសថា ការប្រកួតកីឡាអូឡាំពិករដូវរងាលើកទី២៤នៃទីក្រុងប៉េកាំងសម្ពោធបើកហើយ! កាំជ្រួចបានបាញ់បង្ហោះលើអាកាស ដែលបានបង្ហាញពីការជូនពរដ៏ស្មោះស្ម័គ្ររបស់ប្រទេសចិនចំពោះពិភពលោក ៖ រួមគ្នាឆ្ពោះទៅកាន់អនាគត!
ក្រោមទង់កងប្រាំពណ៌ កីឡាករប្រហែល៣០០០នាក់ដែលមកពីប្រទេសនិងតំបន់ចំនួន ៩១ បានខិតខំតស៊ូនៅចិន បានរួមគ្នាបង្ហាញស្មារតីកីឡាអូឡាំពិកពោលគឺ កាន់តែលឿន កាន់តែខ្ពស់ កាន់តែខ្លាំង កាន់តែសមគ្គី។
គួរបញ្ជាក់ថា ប្រទេសចិនគាំទ្រយ៉ាងម៉ឺងម៉ាត់និងធ្វើតាមស្មារតីនិងបំណងអូឡាំពិកជារហូត។ លោក XiJinping បានតាមដានរហូតចំពោះការរៀបចំធ្វើព្រឹត្តិការណ៍កីឡាអូឡាំពិកនិងប៉ារ៉ាឡាំពិករដូវរងាក្រុងប៉េកាំង ចាប់ពីដំបូងដាក់ពាក្យស្នើសុំ ដល់ការរៀបចំ រហូតដល់ពេលប្រារព្ធឡើងនិងបញ្ចប់ដោយគាប់ប្រសើរ។លោកធ្លាប់ចាប់អារម្មណ៍ខ្លាំងជាងគេគឹ៖ ចាប់ផ្តើមពីចំណុចសូន្យ តាំងពីឆ្នាំ២០១៥ត្រូវជ្រើសជាម្ចាស់ផ្ទះ យើងបានធ្វើការងារគ្រប់ផ្នែកតាមផែនការតាមជំហានតាមពេលកំណត់ រហូតមកដល់សព្វថ្ងៃនេះមិនមែនជាការងាយទេ។
លោក Bach ប្រធានគណៈកម្មាការកីឡាអូឡាំពិកអន្តរជាតិបានកោតសរសើរថា ក្នុងការជំរុញកីឡាអូឡាំពិក ថាលោក Xi Jinping ពិតជាស័ក្ដិសមធ្វើជាជើងឯកដ៏ពិតប្រាកដ។
ក្រោយបានបញ្ចប់ការប្រកួតកីឡាអូឡាំពិកប៉េកាំង២០២២ កីឡាព្រិលទឹកកកត្រូវបានស្វាគមន៍កាន់តែទូលំទូលាយនៅប្រទេសចិនពេញមួយឆ្នាំ ចំនួនអ្នកចូលរួមលេងកីឡារដូវរងាកាន់តែច្រើនឡើង ខណៈឧស្សាហកម្មកីឡាទឹកកករបស់ចិនរីកចម្រើនដោយឥតឈប់ឈរ។ល។ ថែមពីនេះទៀត លោក Xi Jinping បានបូកសរុបពីស្មារតីព្រឹត្តិការណ៍កីឡាអូឡាំពិករដូវរងាក្រុងប៉េកាំងគឺ៖ គិតគូរពីនិម្មាបនកម្មដ៏ទូលំទូលាយ មានជំនឿចិត្តលើខ្លួនឯង និងមានភាពបើកទូលាយ ខិតខំពុះពារឧបសគ្គ ស្វែងរកឧត្តមភាព និងរួមគ្នាកសាងអនាគត។
នេះជាស្មារតីក្នុងយុគសម័យរបស់ប្រជាជនចិនផង ហើយក៏ជាទ្រព្យសម្បត្តិដ៏មានតម្លៃមហាសាលសម្រាប់ប្រជាជនបណ្តាប្រទេសលើពិភពលោកផងក្នុងការរួមគ្នាកសាងអនាគតដ៏ល្អបវរ៕