ថ្ងៃទី១ ខែមករាឆ្នាំ២០២៣ លោក Xi Jinping ប្រធានរដ្ឋចិនបានផ្ញើលិខិតអបអរសាទរជូនលោក Alain Berset ប្រធានអាណត្តិថ្មីនៃក្រុមប្រឹក្សាសហព័ន្ធស្វីស។
លោក Xi Jinping បានលើកឡើងថា ក្រោមការណែនាំនៃស្មារតី “ សមភាព ច្នៃប្រឌិតថ្មី និងឈ្នះ-ឈ្នះ ” ទំនាក់ទំនងរវាងចិននិងស្វីសបានរក្សានិន្នាការអភិវឌ្ឍន៍ដោយល្អប្រសើរ ការជឿជាក់គ្នាខាងនយោបាយរវាងភាគីទាំងពីរកាន់តែរឹងមាំ កិច្ចសហប្រតិបត្តិការជាក់ស្តែងគ្រប់វិស័យកាន់តែស៊ីជម្រៅ ។ ខ្ញុំយកចិត្តទុកដាក់កម្រិតខ្ពស់ចំពោះការអភិវឌ្ឍទំនាក់ទំនងចិន-ស្វីស មានឆន្ទៈរួមជាមួយលោកប្រធាន ដើម្បីជំរុញឱ្យទំនាក់ទំនងភាពជាដៃគូយុទ្ធសាស្ត្រច្នៃប្រឌិតថ្មីរវាងប្រទេសទាំងពីរទទួលបានការរីកចម្រើនថ្មី និងផ្តល់ផលប្រយោជន៍ដល់ប្រជាជនប្រទេសទាំងពីរ៕