នៅថ្ងៃទី ២៦ ខែមីនា តាមម៉ោងក្នុងតំបន់ សមាគមមន្ទីរពេទ្យអាល្លឺម៉ង់បានថែ្លងថា តាមការប៉ាន់ប្រមាណ ដោយសារអត្រាឆ្លងជំងឺខ្ពស់នាពេលបច្ចុប្បន្ននេះ បានជាករណីឈឺធ្ងន់ដោយសារជំងឺកូវីដ ១៩ នៅអាល្លឺម៉ង់ប្រហែលនឹងកើនឡើងយ៉ាងខ្លាំង ។
លោក Gerald Gass ប្រធានសមាគមនេះបានលើកឡើងថា អត្រាប្រើប្រាស់បន្ទប់សង្គ្រោះបន្ទាន់ ICU បានផ្សារភ្ជាប់ជាមួយនឹងដំណើរឆ្លងវីរុសក្នុងកម្រិតណាមួយ ពោលគឺ "ក្នុងប៉ុន្មានសប្តាហ៍ខាងមុខនេះ ចំនួនអ្នកជំងឺក្នុងបន្ទប់ ICU ក៏នឹងកើនឡើងកាន់តែខ្លាំងឡើងៗផងដែរ" ។ ស្របពេលជាមួយគ្នានេះ លោក Gerald Gass ក៏បានលើកឡើងដែរថា ក្រៅពីនេះ ដោយសារកង្វះខាតបុគ្គលិកពេទ្យ ដូច្នេះ មន្ទីរពេទ្យកំពុងប្រឈមនឹងស្ថានការណ៍ដ៏តឹងរ៉ឹងនេះ ពោលគឺ "មន្ទីរពេទ្យចំនួន ៣ ភាគ ៤ នឹងកាត់បន្ថយការវិនិច្ឆ័យនិងព្យាបាលរោគដោយសារកង្វះខាតបុគ្គលិកពេទ្យដោយខានពុំបាន ។ ហើយបុគ្គលិកពេទ្យជាច្រើនត្រូវទៅថែរក្សាកុមារដែលឆ្លងវីរុសកូវីដ ១៩ ។"
លោក Gerald Gass បានសង្កត់ធ្ងន់ថា សភាពការណ៍បច្ចុប្បន្នបានបង្ហាញឱ្យឃើញថា "ការរីករាលដាលនៃជំងឺកូវីដ ១៩ នៅទូទាំងពិភពលោកមិនទាន់បញ្ចប់នៅឡើយទេ "៕