អង្គការសុខភាពពិភពលោកបានឱ្យដឹងកាលពីថ្ងៃទី ១៦ខែមីនាថា ទោះបីជាចំនួននៃការធ្វើតេស្តរកឃើញវិជ្ជមានជំងឺកូវីដ១៩នៅក្នុងប្រទេសមួយចំនួនបានធ្លាក់ចុះនាពេលថ្មីៗនេះក៏ដោយ ក៏ប៉ុន្តែចំនួនករណីឆ្លងជំងឺកូវីដ១៩ថ្មីនៅទូទាំងពិភពលោកបានចាប់ផ្តើមកើនឡើងម្តងទៀតបន្ទាប់ពីមានការធ្លាក់ចុះរយៈពេលជាច្រើនសប្តាហ៍មក។អង្គការសុខភាពពិភពលោកបានអំពាវនាវឱ្យប្រទេសនានាពង្រីកក្របខណ្ឌចាក់វ៉ាក់សាំងឱ្យបានឆាប់តាមលទ្ធភាពរបស់ខ្លួន ហើយរក្សាការប្រុងប្រយ័ត្នក្នុងការដកវិធានការទប់ស្កាត់ការរីករាលដាលនៃជំងឺឆ្លង។
