កាលពីថ្ងៃទី១៣ខែមីនា រដ្ឋបាលជាតិនិយតកម្ម​​ឱសថចិនបានអនុម័តពាក្យស្នើសុំចុះបញ្ជីផលិតផលឧបករណ៍ធ្វើតេស្តអង់ទីហ្សែនជំងឺកូវីដ១៩របស់​ក្រុមហ៊ុនចំនួន៥ទៀត។ គិតមកទល់ពេលនេះ  មានផលិតផលឧបករណ៍ធ្វើតេស្តអង់ទីហ្សែនជំងឺកូវីដ១៩ដោយខ្លួនឯងសរុបចំនួន១០ប្រភេទហ់យដែលត្រូវបានដាក់លក់ជាផ្លូវការក្នុង​ប្រទេស​ចិន។

លោក Li Jinming អនុប្រធាននៃមជ្ឈមណ្ឌលធ្វើតេស្តគ្លីនិករបស់គណៈកម្មាធិការជាតិសុខាភិបាលចិនបានថ្លែងថា ​សម្រាប់ការធ្វើតេស្តដោយខ្លួនឯង ជាធម្មតាប្រើប្រដាប់រុកច្រមុះយកសំណាក ហើយធ្វើតេស្តក្នុង​កន្លែងមានសីតុណ្ហភាពមិនត្រជាក់ពេក ឬក្តៅពេក។