លោក Erdogan ប្រធានាធិបតីតួកគីបានថ្លែងកាលពីថ្ងៃទី ២៦ ខែធ្នូថា ប្រទេសតួកគីបានរកឃើញធនធានឧស្ម័នធម្មជាតិចំនួន ៥៨ ពាន់លានម៉ែត្រគូបនៅក្នុងតំបន់សមុទ្រខ្មៅ ។
លោក Erdogan បានថ្លែងក្នុងសន្និសីទសារព័ត៌មានដែលបើកធ្វើបន្ទាប់ពីកិច្ចប្រជុំគណៈរដ្ឋមន្ត្រីនៅថ្ងៃដដែលនោះថា ការរកឃើញលើកនេះបានតាំងជាមូលដ្ឋានគ្រឹះសម្រាប់ការរុករកធនធានឧស្ម័នធម្មជាតិថ្មីនៅក្នុងតំបន់ក្បែកនេះនាពេលអនាគត ហើយតួកគីនឹងចាប់ផ្តើមការងាររុករកថ្មីឱ្យបានឆាប់តាមដែលអាចធ្វើទៅបាន ។ គោលដៅចុងក្រោយរបស់ប្រទេសតួកគីគឺសម្រេចបាននូវការបំពេញតម្រូវគ្រប់គ្រាន់ខាងធនធានប្រេងនិងឧស្ម័នដោយម្ចាស់ការ ៕