យប់ថ្ងៃទី២១ខែវិច្ឆិកា តាមម៉ោងក្នុងតំបន់ លោកម៉ាក្រុង ប្រធានាធិបតីប្រទេសបារាំងបានរៀបចំពិធីបដិសណ្ឋារកិច្ចអបអរទទួលសហគ្រិនអឺរ៉ុបទាំងឡាយនៅវិមាន Elysee ក្រុងប៉ារីស ។ ឧត្តមមន្រ្តីនៃសហគ្រាសអឺរ៉ុបសំខាន់ៗដូចជា Ericsson Volvo និងUnileverជាដើមសុទ្ធតែមានវត្តមានក្នុងពិធីបដិសណ្ឋារកិច្ច។ ប៉ុន្តែ នេះមិនមែនជាពិធីជប់លៀងដែលពោរពេញទៅដោយភាពសប្បាយរីករាយនោះទេ តែគឺជាការរក្សាទុកដោយចិត្តអំណត់និងស្មោះសមួយលើក។

        បច្ចុប្បន្ននេះ អ្នកនយោបាយរបស់បារាំង រហូតដល់ទ្វីបអឺរ៉ុបទាំងមូលបានព្រួយបារម្ភជាងពេលណាៗទាំងអស់ថា សហគ្រាសទាំងនេះនឹងចាកចេញពីអឺរ៉ុប ហើយប្រព័ន្ធឧស្សាហកម្មរបស់អឺរ៉ុបនឹងរងផលប៉ះពាល់យ៉ាងខ្លាំងពីអាមេរិក។

        ដោយមកពីតម្លៃថាមពលអឺរ៉ុបបានកើនឡើងយ៉ាងខ្លាំង និងដើមទុនផលិតកម្មបានតម្លើង បានជាសហគ្រាសអឺរ៉ុបបាននិងកំពុងប្រឈមនឹងវិបត្តិយ៉ាងតឹងរ៉ឹង ។ រីឯតម្លៃថាមពលរបស់អាមេរិកមានភាពនឹងនរបង្គួរ ថែមទាំងក៏មានជំនួយឧបត្ថម្ភយ៉ាងច្រើនដែលបណ្តាលមកពី«សេចក្តីព្រាងច្បាប់ស្តីពីការកាត់បន្ថយអតិផរណា» បានជាសហគ្រាសអឺរ៉ុបបាននាំគ្នាទម្លាក់អាវុធចុះ ហើយសម្រុកទៅកាន់អាមេរិកដោយខានពុំបាន។

         បន្ទាប់ពីវិបត្តិអ៊ុយក្រែនបានផ្ទុះឡើងមក អឺរ៉ុបបានធ្វើតាមអាមេរិកដោយបំផុសការដាក់ទណ្ឌកម្មច្រើនជុំទៅលើរុស្ស៊ី ទីបំផុត ខ្លួនបែរជាក្លាយជាអ្នករងគ្រោះដ៏ធំបំផុត ។ ចំណែកនៅត្រើយម្ខាងនៃមហាសមុទ្រអាត្លង់ទិក ខណៈពេលអឺរ៉ុបធ្លាក់ក្នុងវិបត្តិយ៉ាងខ្លាំង អាមេរិកដែលជាអ្នកបង្កវិបត្តិដោយផ្ទាល់បែរជាបានផលចំណេញយ៉ាងច្រើន ។ ឧទារហណ៍ ឧស្ម័នធម្មជាតិរាវដែលមានតម្លៃ៦០លានដុល្លារអាមេរិក បើដឹកទៅដល់អឺរ៉ុប អាចលក់បានតម្លៃ២៧៥លានដុល្លារអាមេរិក ដែលបានកើនឡើងជាង៣ដង។

        មិនត្រឹមតែប៉ុណ្ណោះ អាមេរិកក៏កំពុងយកឈើឆ្កឹះដំបៅរបស់អឺរ៉ុបដែរ ។ នៅខែសីហាឆ្នាំនេះ អាមេរិកបានដាក់ចេញ«សេចក្តីព្រាងច្បាប់ស្តីពីការកាត់បន្ថយអតិផរណា» ដើម្បីផ្តល់ជំនួយឧត្ថម្ភធនខ្ពស់ដល់រថយន្តដើរដោយថាមពលអគ្គិសនីរបស់អាមេរិក បែរជាបានច្រានចោលសហគ្រាសនៃសហភាពអឺរ៉ុប ប្រទេសជប៉ុននិងកូរ៉េខាងត្បូងជាដើម ។ ក្រោមមាត្រាអសមភាព កម្លាំងទាក់ទាញរបស់ឧស្សាហកម្មរថយន្តដើរដោយថាមពលអគ្គិសនីរបស់អឺរ៉ុបត្រូវកាត់បន្ថយ សហគ្រាសពាក់ព័ន្ធបាននាំគ្នាសម្រុកទៅកាន់អាមេរិក។

        អឺរ៉ុបដែលបានភ្ញាក់រលឹកហើយមានការខឹងសម្បាយ៉ាងខ្លាំង។នៅថ្ងៃទី២២ខែវិច្ឆិកា តាមម៉ោងក្នុងតំបន់ បារាំងនិងអាល្លឺម៉ង់បានចេញផ្សាយសេចក្តីថ្លែងការណ៍រួម ដោយអះអាងថា នឹងរួមគ្នាធ្វើពហិការចំពោះ«សេចក្តីព្រាងច្បាប់ស្តីពីការកាត់បន្ថយអតិផរណា»ដើម្បីការពារឧស្សាហកម្មអឺរ៉ុប។

         អឺរ៉ុបត្រូវបានចាប់ចងជាមួយបង្គោលរបស់អំណាចអាមេរិក ហើយបញ្ជាក់ម្តងហើយម្តងទៀតពីពាក្យសម្តីដែលថា”បើសិនជាមានមិត្តភក្តិដូចអាមេរិកអ៊ីចឹង នោះអ្នកណានៅត្រូវការសត្រូវទៀត?”  បន្ទាប់ពីចាញ់បោកអាមេរិក អឺរ៉ុបចាប់ផ្តើមប្រយុទ្ធប្រឆាំងនឹងអាមេរិក ។ ឧទាហរណ៍ដូចជា ទាក់ទិននឹងទង្វើរបស់អាមេរិកដែលអូសទាញសម្ព័ន្ធមិត្តដាក់សម្ពាធការអភិវឌ្ឍវត្ថុពាក់កណ្តាលចម្លងរបស់ចិន លោកស្រីSchreinemacherរដ្ឋមន្រ្តីពាណិជ្ជកម្មបរទេសនិងកិច្ចសហប្រតិបត្តិការអភិវឌ្ឍន៍ហូឡង់បានថ្លែងថា អាមេរិកមិនអាចបញ្ជាហូឡង់នោះទេ ហូឡង់មិនត្រាប់តាមវិធានការរបស់អាមេរិកនោះឡើយ។

ក្រឡេកមើលអាមេរិក យុទ្ធសាស្រ្តស្តីពីការតម្កល់ទុកអាមេរិកជាអាទិភាពដែលប្រកបដោយអនុត្តរភាព បាននិងកំពុងធ្វើឱ្យសម្ព័ន្ធមិត្តដើរកាន់តែឆ្ងាយទៅៗ។  បណ្តាប្រទេសអឺរ៉ុបកំពុងខំប្រឹងបំបែកទម្លាប់ដែលធ្វើតាមអាមេរិក ដើម្បីស្វែងរកភាពជាម្ចាស់ការខាងយុទ្ធសាស្រ្ត ។ ពិធីបដិសណ្ឋារកិច្ចនៅវិមាន Elyseeគឺជាសញ្ញាយ៉ាងច្បាស់លាស់មួយ៕