នៅរសៀលថ្ងៃទី ១៧ ខែវិច្ឆិកាតាមម៉ោងក្នុងតំបន់ លោក Xi Jinping ប្រធានរដ្ឋចិនបានជួបសន្ទនាជាមួយលោក Lee Hsien Loong នាយករដ្ឋមន្ត្រីសិង្ហបុរីនៅក្រុងបាងកក។
លោក Xi Jinping បានលើកឡើងថា ការអភិវឌ្ឍរបស់ចិននិងសិង្ហបុរីពឹងផ្អែកលើតំបន់ រួមបញ្ចូលជាមួយតំបន់និងផ្តល់ផលប្រយោជន៍ដល់តំបន់។ ភាគីចិនមានឆន្ទៈរួមជាមួយសិង្ហបុរីដើម្បីគាំពារសាមគ្គីភាពនិងកិច្ចសហប្រតិបត្តិការក្នុងតំបន់ ប្រឆាំងចំពោះនយោបាយជាំក្រុម ធ្វើពហិការចំពោះការប្រឈមមុខដាក់គ្នាជាក្រុម។ រំពឹងទុកថាភាគីទាំងពីរអាចរួមគ្នាជំរុញឱ្យគំនិតផ្តួចផ្តើមអភិវឌ្ឍន៍សកលទទួលបានការអនុវត្តជាក់ស្តែងនៅក្នុងតំបន់នេះ។
ជាការឆ្លើយតប លោក Lee Hsien Loong បានថ្លែងការជូនពរជាថ្មីម្តងទៀតចំពោះការបើកធ្វើដោយជោគជ័យនៃសមាជបក្សកុម្មុយនីស្តចិនលើកទី ២០ និងសូមជូនពរលោកប្រធានរដ្ឋចិន Xi Jinping ដែលបានជាប់ឆ្នោតជាអគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិនម្តងទៀត។ ការងើបឡើងរបស់ប្រទេសចិនគឺមិនអាចរារាំងបានទេ ប្រទេសចិនដ៏ខ្លាំងក្លានិងមានមេត្រីភាពនឹងនាំមកនូវឥទ្ធិពលវិជ្ជមានដល់តំបន់និងពិភពលោក និងមានអំណោយផលដល់ការជួយប្រទេសធុនតូបនិងមធ្យមឱ្យសម្រេចបានការអភិវឌ្ឍរួម។ សិង្ហបុរីចាត់ទុកការអភិវឌ្ឍរបស់ចិនក្នុងផ្លូវវិជ្ជមានជាប់រហូតមក ហើយរីករាយក្នុងការផ្តល់ការគាំទ្រនិងចូលរួមគំនិតផ្តួចផ្តើមអភិវឌ្ឍន៍សកល៕