ល្ងាចថ្ងៃទី១៣ ខែវិច្ឆិកាតាមម៉ោងក្នុងតំបន់ លោក Li Keqiang នាយករដ្ឋមន្ត្រីចិនបានជួបសន្ទនាជាមួយ លោក António Guterres អគ្គលេខាធិការអង្គការសហប្រជាជាតិនៅទីក្រុងភ្នំពេញ។
លោក Li Keqiang បានលើកឡើងថា អង្គការសហប្រជាជាតិជាស្ថាប័នសំខាន់បំផុតសម្រាប់គាំពារពហុភាគីនិយម។ ស្ថិតក្រោមសភាពការណ៍បច្ចុប្បន្ន ការគាំពារពហុភាគីនិយមគឺការគាំពារជាមូលដ្ឋាននូវកម្មវត្ថុនិងគោលការណ៍នៃធម្មនុញ្ញអង្គការសហប្រជាជាតិ គាំពារតួនាទីដ៏មានកិត្យានុភាពនៃអង្គការសហប្រជាជាតិក្នុងការចាត់ចែងដោះស្រាយកិច្ចការអន្តរជាតិ។ ភាគីចិនសូមកោតសរសើរចំពោះអង្គការសហប្រជាជាតិដែលទទួលបានសមិទ្ធផលថ្មីៗជាច្រើនក្រោមការដឹកនាំរបស់ លោកGuterres ចិននឹងបន្តបង្កើនកិច្ចសហប្រតិបត្តិការជាមួយបណ្តាស្ថាប័ននៃអង្គការសហប្រជាជាតិ រួមជាមួយបណ្តាភាគីគាំពារកម្មវត្ថុនិងគោលការណ៍នៃធម្មនុញ្ញអង្គការសហប្រជាជាតិ ដើម្បីគាំពារលក្ខការណ៍ច្បាប់អន្តរជាតិ និងគាំពារយុត្តិធម៌និងសមភាពអន្តរជាតិ។
ជាការឆ្លើយតប លោក António Guterres បានលើកឡើងថា កិច្ចសហប្រតិបត្តិការរវាងប្រទេសចិននិងអង្គការសហប្រជាជាតិជាសសរទ្រទ្រង់ដ៏សំខាន់នៃពហុភាគីនិយម។អង្គការសហប្រជាជាតិសូមកោតសរសើរចំពោះភាគីចិនដែលបានរួមចំណែកក្នុងការគាំពារពហុភាគីនិយម ការជំរុញរបៀបវារៈឆ្លើយតបការប្រែប្រួលអាកាសធាតុ និងការសម្រេចការអភិវឌ្ឍជានិរន្តរភាពនៃអង្គការសហប្រជាជាតិ។ សង្ឃឹមអាចបង្កើនកិច្ចសហប្រតិបត្តិការជាមួយចិនថែមមួយកម្រិតទៀត៕