លោកMartinJacques បញ្ញវន្តអង់គ្លេសដ៏ល្បីឈ្មោះ និងជាអ្នកជំនាញខាងបញ្ហាប្រទេសចិនបានថ្លែងនៅពេលថ្មីៗនេះថា នៅពេលដែលការធ្វើសកលភាវូបនីយកម្មសេដ្ឋកិច្ចកំពុងជួបប្រទះនឹងចរន្តបញ្ច្រាស ហើយ"ផ្លូវចាស់"នៃការធ្វើទំនើបកម្មតាមបែបផែន លោកខាងលិចធ្លាក់ក្នុងភាពជាប់គាំង ការធ្វើទំនើបកម្មតាមបែបផែនចិនបានផ្តោតសំខាន់ទៅលើការផ្ដល់ផលប្រយោជន៍និងសុខសុភមង្គលដល់ប្រជាជន និងខិត្តខំសម្រេចបាននូវការមានសិទ្ធិស្មើគ្នាក្នុងសង្គម ដោយបានរកឃើញផ្លូវថ្មីមួយនៃការធ្វើទំនើបកម្ម។
ពេលមុននេះមិនជាយូរប៉ុន្មាន លោកJacquesបានថ្លែងនៅពេលផ្តល់បទសម្ភាសជាមួយអ្នកសារព័ត៌មានក្នុងអំឡុងពេលចូលរួមពិធីសំណេះសំណាល"ដំណើរថ្មីរបស់ប្រទេសចិន ឱកាសថ្មីរបស់ពិភពលោក" ដែលរៀបចំឡើងដោយស្ថានទូតចិនប្រចាំនៅអង់គ្លេសថា ការធ្វើទំនើបកម្មតាមបែបផែនចិនបានរួមបញ្ចូលខ្លឹមសារនៃ "ការធ្វើទំនើបកម្មដែលប្រជាជនគ្រប់រូបមានភាពសម្បូរសប្បាយរួម”ដែលគួរឱ្យទទួលស្គាល់ ។ "ការសម្រេចបាននូវភាពសម្បូរសប្បាយរួម និងការកសាងសង្គមមួយកាន់តែយុត្តិធម៌ នេះមិនត្រឹមតែជាព័ត៌មានសំខាន់ណាស់សម្រាប់ប្រទេសចិននិងប្រជាជនចិនប៉ុណ្ណោះទេ ថែមទាំងក៏សម្រាប់ពិភពលោកផងដែរ។ "លោក Jacquesសម្គាល់ឃើញថា ជាទូទៅរដ្ឋាភិបាលលោកខាងលិចមិនបានយកចិត្តទុកដាក់លើបញ្ហាមិនស្មើគ្នាទេ។