នៅថ្ងៃទី១១ខែវិច្ឆិកា លោកZhao Lijianអ្នកនាំពាក្យក្រសួងការបរទេសចិនបានធ្វើជាអធិបតីក្នុងសន្និសីទកាសែតជាប្រចាំ។ អ្នកយកព័ត៌មានម្នាក់បានសួរពីការរំពឹងទុករបស់ភាគីចិនចំពោះការជួបប្រាស្រ័យរវាងប្រមុខរដ្ឋរបស់ប្រទេសចិន និងអាមេរិកនៅកោះបាលី។
លោក Zhao Lijian បានថ្លែងថា ជានិច្ចកាល ភាគីចិនតែងតែមើលនិងពង្រីកទំនាក់ទំនងចិននិងអាមេរិក ដោយស្របតាមគោលការណ៍ទាំងបី ពោលគឺការគោរពគ្នាទៅវិញទៅមក ការរួមរស់នៅដោយសន្តិភាព និងកិច្ចសហប្រតិបត្តិការឈ្នះ-ឈ្នះ ដែលបានលើកឡើងដោយលោក Xi Jinping ប្រធានរដ្ឋចិន ផ្តួចផ្តើមឱ្យជំរុញការបង្កើតវិធីរួមរស់នៅដ៏ត្រឹមត្រូវរវាងចិននិងអាមេរិក ព្រមពេលជាមួយគ្នានេះ ការពារយ៉ាងមុតមាំនូវអធិបតេយ្យភាព សន្តិសុខនិងផលប្រយោជន៍អភិវឌ្ឍន៍របស់ខ្លួន។ ភាគីអាមេរិកគួរតែដើរស្របតាមទិសដៅជាមួយភាគីចិន គ្រប់គ្រងការខ្វែងគំនិតគ្នាដោយសមរម្យ ជំរុញកិច្ចសហប្រតិបត្តិការដែលមានផលប្រយោជន៍ដល់គ្នាទៅវិញទៅមក ជៀសវាងកុំឱ្យមានការយល់ច្រឡំនិងការវិនិច្ឆ័យខុស ដើម្បីជំរុញទំនាក់ទំនងរវាងចិននិងអាមេរិកឱ្យត្រឡប់ទៅរកផ្លូវត្រឹមត្រូវនៃកាអភិវឌ្ឍប្រកបដោយភាពរ៉ឹងមាំនិងស្ថិរភាពវិញ។
លោក Zhao Lijian បានថ្លែងថា ការដែលទំនាក់ទំនងរវាងចិននិងអាមេរិករក្សាការអភិវឌ្ឍប្រកបដោយស្ថិរភាព គឺសមស្របនឹងផលប្រយោជន៍របស់ភាគីទាំងពីរ ហើយក៏ជាការរំពឹងទុករបស់ប្រទេសនានាលើកពិភពលោកផងដែរ។ យើងសង្ឃឹមថា ភាគីអាមេរិកដើរស្របតាមទិសដៅជាមួយភាគីចិន ដោយកាន់ស្មារតីគោរពគ្នាទៅវិញទៅមក ក៏ដូចជាដើរតួនាទីទទួលខុសត្រូវក្នុងការគាំពារស្ថិរភាពនិងការអភិវឌ្ឍពិភពលោក។