ថ្ងៃទី៩ខែវិច្ឆិកា លោកZhao Lijianអ្នកនាំពាក្យក្រសួងការបរទេសចិនបានថ្លែងនៅពេលឆ្លើយសំណួរក្នុងសន្និសីទកាសែតប្រចាំថ្ងៃថា ជានិច្ចកាលប្រទេសចិនតែងតែជាអ្នកអនុវត្តជាក់ស្តែងនិងអ្នកប្រតិបត្តិនៃការឆ្លើយតបនឹងការប្រែប្រួលអាកាសធាតុ។
តាមការផ្សាយដំណឹងឱ្យដឹងថា ថ្ងៃទី៨ខែវិច្ឆិកា ប្រទេសជាប្រធាននៃមហាសន្និបាតភាគីចុះហត្ថលេខីនៃ 《អនុសញ្ញាស្តីពីក្របខណ្ឌបម្រែបម្រួលអាកាសធាតុនៃអង្គការសហប្រជាជាតិ》លើកទី២៧ និងលើកទី២៦បានឱ្យក្រុមអ្នកជំនាញចងក្រងរបាយការណ៍ចម្រុះ ដែលអំពាវនាវមានការទម្លាក់ថវិកា២លានលានដុល្លារអាមេរិកជារៀងរាល់ឆ្នាំ សម្រាប់គាំទ្រប្រទេសកំពុងអភិវឌ្ឍន៍ ក្នុងការទប់ស្កាត់ និងឆ្លើយតបនឹងការកើនឡើងកម្តៅនៃផែនដី។ ចំពោះការនេះ លោកZhao Lijianបានថ្លែងថា បច្ចុប្បន្ននេះ ដំណើរនៃបម្រែបម្រួលអាកាសធាតុពិភពលោក ប្រឈបមុខនឹងបញ្ហាយ៉ាងតឹងរ៉ឹង ហើយប្រទេសកំពុងអភិវឌ្ឍន៍ជាអ្នករងគ្រោះធំបំផុត ពីបញ្ហាបម្រែបម្រួលអាកាសធាតុ ។
លោកZhao Lijianបានបានចង្អុលបង្ហាញថា ជានិច្ចកាលប្រទេសចិនតែងតែជាអ្នកអនុវត្តជាក់ស្តែងនិងអ្នកប្រតិបត្តិនៃការឆ្លើយតបនឹងការប្រែប្រួលនៃអាកាសធាតុ ។ តាំងពីប្រទេសចិនបានប្រកាសទស្សនទានស្តីពីគោលដៅកាត់បន្ថយ កាបូន និងអព្យាក្រឹតភាពកាបូនមក ការងាររបស់ភាគីចិនទទួលបានសមិទ្ធផលយ៉ាងជាក់ស្តែង ។