ថ្ងៃទី៦ខែវិច្ឆិកាតាមម៉ោងក្នុងតំបន់ អង្គការមូលនិធិរូបិយវត្ថុអន្តរជាតិ បានចុះផ្សាយអត្ថបទចង្អុលបង្ហាញថា ក្នុងនាមជាផ្នែកមួយនៃ《កិច្ចព្រមព្រៀងទីក្រុងប៉ារីស》 ប្រទេសចំនួន៣២ នៅមជ្ឈិមបូព៌ានិងអាស៊ីកណ្តាលសុទ្ធតែបានសន្យាថា នឹងគ្រប់គ្រងការបញ្ចេញឧស្ម័នពីផ្ទះកញ្ចក់។ ដើម្បីសម្រេចបាននូវពាក្យសន្យាទាំងនេះ បច្ចុប្បន្ននេះ បណ្តាប្រទេសនានាចាំបាច់ត្រូវដាក់បញ្ចូលគោលនយោបាយអាកាសធាតុទៅក្នុងយុទ្ធសាស្ត្រសេដ្ឋកិច្ចជាតិរបស់ខ្លួនជាបន្ទាន់។
អង្គការមូលនិធិរូបិយវត្ថុអន្តរជាតិបានប៉ាន់ប្រមាណថា ក្រោមការសន្យារួមរបស់ប្រទេសមជ្ឈិមបូព៌ា និងអាស៊ីកណ្តាល ទំហំបញ្ចេញឧស្ម័នពីផ្ទះកញ្ចក់ប្រចាំឆ្នាំនៅឆ្នាំ២០៣០ នឹងត្រូវកាត់បន្ថយពី១៣ភាគរយទៅ២១ភាគរយ បើធៀបនឹងពេលបច្ចុប្បន្ន។មានការផ្សាយដំណឹងថា ប្រការនេះមានន័យថា តំបន់នានាត្រូវកាត់បន្ថយការបញ្ចេញឧស្ម័នជាមធ្យមក្នុងមនុស្សម្នាក់ៗចំនួន៧ភាគរយ ក្នុងរយៈពេល៨ឆ្នាំនាពេលអនាគត បច្ចុប្បន្ននេះ មានប្រទេសចំនួនតិចណាស់ដែលបានសម្រេចការកាត់បន្ថយការបញ្ចេញឧស្ម័នបំពុល ទន្ទឹមនឹងពេលរក្សាបាននូវកំណើនសេដ្ឋកិច្ច។