ថ្ងៃទី ៤ ខែវិច្ឆិកាឆ្នាំ ២០២២ "ការណាត់ជួបគ្នានៅបូព៌ា" ប្រចាំឆ្នាំ៖ពិធីបើកពិព័រណ៍នាំចូលអន្តរជាតិចិនលើកទី ៥ និងវេទិកាសេដ្ឋកិច្ចអន្តរជាតិ Hongqiao នឹងប្រារព្ធឡើងនៅក្រុងសៀងហៃហើយលោក Xi Jinping នឹងថ្លែងសុន្ទរកថាតាមប្រព័ន្ធវីដេអូ ។
ចាប់តាំងពីពិព័រណ៍នាំចូលអន្តរជាតិចិនលើកដំបូងដែលបានប្រារព្ធឡើងក្នុងឆ្នាំ ២០១៨ មកលោក Xi Jinping ប្រធានរដ្ឋចិនបានថ្លែងសុន្ទរកថាគន្លឹះរយៈពេលបួនឆ្នាំជាប់ៗគ្នា ដោយបានបញ្ជូនទៅកាន់ពិភពលោកនូវសារដ៏រឹងមាំនៃយុគសម័យដែលប្រទេសចិននឹងពង្រឹងនិងពង្រីកយ៉ាងមុតមាំនូវការបើកទូលាយនិងរួមគ្នាធ្វើកិច្ចសហប្រតិបត្តិការឈ្នះ-ឈ្នះជាមួយប្រទេសនានា ។