លោក Zhao Lijian អ្នកនាំពាក្យក្រសួងការបរទេសចិនបានប្រកាសកាលពីថ្ងៃទី៣១ខែតុលាថា តបតាមការអញ្ជើញរបស់លោក Heng Swee Keat ឧបនាយករដ្ឋមន្ត្រីសិង្ហបុរី លោក Han Zheng ឧបនាយករដ្ឋមន្ត្រីចិននឹងទៅបំពេញទស្សនកិច្ចនៅសិង្ហបុរីពីថ្ងៃទី១ដល់ទី២ខែវិចិ្ឆកា ព្រមទាំងរួមជាមួយលោក Heng Swee Keat ធ្វើជាសហអធិបតីក្នុងកិច្ចប្រជុំលើកទី១៨នៃគណៈកម្មាធិការរួមស្តីពីកិច្ចសហប្រតិបត្តិការទ្វេភាគីរវាងចិននិងសិង្ហបុរី កិច្ចប្រជុំលើកទី២៣នៃក្រុមប្រឹក្សាសម្របសម្រួលរួមនៃសួនឧស្សាហកម្មក្រុង Suzhou រវាងចិននិងសិង្ហបុរី កិច្ចប្រជុំលើកទី១៤នៃក្រុមប្រឹក្សាសម្របសម្រួលរួមនៃទីក្រុងអេកូឡូស៊ីក្រុង Tianjin រវាងចិននិងសិង្ហបុរីនិងកិច្ចប្រជុំលើកទី៦នៃក្រុមប្រឹក្សាសម្របសម្រួលរួមនៃគម្រោងគំរូស្តីពីការតភ្ជាប់ជាយុទ្ធសាស្ត្រក្រុង Chongqing រវាងចិននិងសិង្ហបុរី ៕