លោកXi Jinping ប្រធានរដ្ឋចិនបានចុះហត្ថលេខាលើក្រឹត្យប្រធានរដ្ឋដូចខាងក្រោម៖

ច្បាប់ការពារសិទ្ធិនិងផលប្រយោជន៍ស្ត្រីនៃសាធារណរដ្ឋប្រជាមានិតចិន ដែលត្រូវបានធ្វើវិសោធនកម្មនិងអនុម័តនៅក្នុងកិច្ចប្រជុំលើកទី៣៧នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិននីតិកាលទី១៣ នៃសាធារណរដ្ឋប្រជាមានិតចិនកាលពីថ្ងៃទី៣០ ខែតុលា ឆ្នាំ២០២២ នឹងចូលជាធរមានចាប់ពីថ្ងៃទី ១ ខែមករា ឆ្នាំ ២០២៣តទៅ ។

ច្បាប់ការពារទន្លេលឿងនៃសាធារណរដ្ឋប្រជាមានិតចិនត្រូវបានអនុម័តនៅក្នុងកិច្ចប្រជុំលើកទី ៣៧ នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិននីតិកាលទី១៣ នៃសាធារណរដ្ឋប្រជាមានិតចិនកាលពីថ្ងៃទី ៣០ ខែតុលា ឆ្នាំ ២០២២ នឹងចូលជាធរមានពី ថ្ងៃទី ១ ខែមេសា ឆ្នាំ ២០២៣តទៅ។

ច្បាប់ស្តីពីការចិញ្ចឹមសត្វនៃសាធារណរដ្ឋប្រជាមានិតចិន ដែលត្រូវបានធ្វើវិសោធនកម្មនិងអនុម័តនៅក្នុងកិច្ចប្រជុំលើកទី ៣៧ នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិននីតិកាលទី១៣កាលពីថ្ងៃទី ៣០ ខែតុលា ឆ្នាំ ២០២២ នឹងចូលជាធរមាននៅថ្ងៃទី ១ ខែមីនា ឆ្នាំ២០២៣តទៅ។

យោងតាមសេចក្តីសម្រេចចិត្តនៃកិច្ចប្រជុំលើកទី ៣៧ នៃគណៈកម្មាធិការអចិន្ត្រៃយ៍នៃនៃសភាតំណាងប្រជាជនទូទាំងប្រទេសចិននីតិកាលទី១៣កាលពីថ្ងៃទី ៣០ ខែតុលា ឆ្នាំ ២០២២ លោក Chen Wenqing ត្រូវបានដកចេញពីមុខតំណែងជារដ្ឋមន្ត្រីក្រសួងសន្តិសុខជាតិចិន ជំនួសដោយ លោក Chen Yixin ។