ពេលកន្លងមក ឥស្សរជននយោបាយនិងគណបក្សសំខាន់ៗនៃបណ្តាប្រទេស
លើពិភពលោកបានបន្តផ្ញើសារទូរលេខឬសារលិខិតអបអរសាទរយ៉ាងកក់ក្តៅចំពោះលោក Xi Jinping ដែលបានជាប់ឆ្នោតជាអគ្គលេខាធិការនៃគណៈកម្មធិការមជ្ឈិមរបស់សមាជបក្សកុម្មុយនីស្តចិនលើកទី ២០។
លោក Erdogan ប្រធានាធិបតីតួកគីបានថ្លែងថា ខ្ញុំមានក្តីសោមនស្សរីករាយដែលទទួលបានដំណឹងថាលោកបានជាប់ឆ្នោតជាអគ្គលេខាធិការនៃគណៈកម្មធិការ
មជ្ឈិមរបស់សមាជបក្សកុម្មុយនីស្តចិន ខ្ញុំរីករាយចិត្តរួមជាមួយលោកដើម្បីពង្រឹងទំនាក់ទំនងតួកគីនិងចិនឲ្យកាន់តែស៊ីជម្រៅថែមមួយកម្រិតទៀត និងផ្តល់ផល
ប្រយោជន៍ជូនប្រជាជននៃប្រទេសទាំងពីរ។
លោក Lee Hsien Loong នាយករដ្ឋមន្ត្រីសិង្ហបុរីបានថ្លែងថា ជឿជាក់ថាក្រោម
ការដឹកនាំដ៏វៃឆ្លាតរបស់លោក ប្រទេសចិនពិតជានឹងសម្រេចបាននូវស្ថិរភាពនិង
វិបុភាពជានិរន្តរ៍។ ខ្ញុំរីករាយរួមជាមួយលោកដើម្បីបង្កើនថែមមួយកម្រិតទៀតនូវ
ទំនាក់ទំនងសិង្ហបុរីនិងចិន។
លោក Rashid ប្រធានាធិបតីអ៊ីរ៉ាក់ថ្លែងថា សង្ឃឹមថាប្រទេសអ៊ីរ៉ាក់និងចិន
នឹងរួមចំណែកថ្មីក្នុងការសម្រេចបាននូវវឌ្ឍនភាពនិងស្ថិរភាពរវាងប្រទេសទាំងពីរ បង្កើតផលប្រយោជន៍ជូនប្រជាជនប្រទេសទាំងពីរ។
លោកស្រី Fukushima Mizuho ប្រធានបក្សសង្គមប្រជាធិបតេយ្យជប៉ុនបានថ្លែងថា ជឿជាក់ថាបក្សកុម្មុយនីស្តចិននឹងដឹកនាំប្រជាជនចិនឆ្ពោះទៅមុខក្នុងដំណើរ
ថ្មីនៃការកសាងប្រទេសសង្គមនិយមទំនើបកម្មគ្រប់ជ្រុងជ្រោយ រួមចំណែកកាន់
តែច្រើនក្នុងការជំរុញឲ្យពិភពលោកមានសន្តិភាពនិងស្ថិរភាព៕