ថ្ងៃទី២៨ ខែតុលា លោក Wang Yi សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីក្រសួងការបរទេសចិនបានជួបសន្ទនាជាមួយលោក Nicholas Burns ឯកអគ្គរដ្ឋទូតអាមេរិកប្រចាំនៅប្រទេសចិន។
លោក Wang Yi បានណែនាំអំពីសមិទ្ធផលនិងអត្ថន័យសំខាន់នៃសមាជបក្សកុម្មុយនីស្តចិនលើកទី២០។
លោក Wang Yi បានថ្លែងថា ទំនាក់ទំនងចិននិងអាមេរិកស្ថិតនៅកាលៈទេសៈដ៏គន្លឹះ។ លោក Xi Jinping ប្រធានរដ្ឋចិនលើកឡើងថា ចិននិងអាមេរិកត្រូវគោរពគ្នា រួមរស់គ្នាដោយសន្តិភាព ធ្វើកិច្ចសហប្រតិបត្តិការនិងឈ្នះ-ឈ្នះ នេះជាគោលការណ៍មូលដ្ឋានរបស់ប្រទេសចិនសម្រាប់អភិវឌ្ឍទំនាក់ទំនងជាមួយអាមេរិក។ ចិននិងអាមេរិកមិនអាចកែប្រែគ្នាទៅវិញទៅមកបានទេ។ ភាគីអាមេរិកសូមកុំប៉ុនប៉ុងប្រាស្រ័យទាក់ទងជាមួយចិនតាមរយៈឋានៈនិងអំណាច កុំចង់តែកៀកសង្កត់លើប្រទេសចិន។
លោក Nicholas Burns បានថ្លែងថា ភាគីអាមេរិកមានឆន្ទៈបង្កើនការទាក់ទងគ្នាជាមួយភាគីចិន រួមគ្នាគ្រប់គ្រងការខ្វែងយោបល់ ដើម្បីជំរុញការធ្វើកិច្ចសហប្រតិបត្តិការ៕