អ្នកកាសែតទទួលបានដំណឹងនៅថ្ងៃទី២៥ខែតុលាថា ពេលថ្មីៗនេះ ក្រសួង-ស្ថាប័នចំនួន៦របស់ចិនរួមមានទាំងគណៈកម្មាធិការជាតិកំណែទម្រង់និងអភិវឌ្ឍចិន និងក្រសួងពាណិជ្ជកម្មចិនជាដើមបានរួមគ្នាបោះពុម្ពផ្សាយ« គោលនយោបាយនិងវិធានការអំពីការចាត់ទុកវិស័យផលិតកម្មជាសំខាន់ដើម្បីជំរុញកំណើនទុនវិនិយោគបរទេស រក្សាស្ថិរភាពប្រាក់ទុនដែលបានស្តុកទុក និងលើកកម្ពស់គុណភាពប្រាក់ទុនបរទេស» ដែលនឹងបង្កើនភាពទាក់ទាញឱ្យទុនវិនិយោគឱ្យបណ្តាក់ក្នុងវិស័យផលិតកម្មថែមមួយកម្រិតទៀត នឹងខិតខំដោះស្រាយបញ្ហាលេចធ្លោដែលសហគ្រាសទុនបរទេសប្រឈមមុខ នឹងបង្កើនដោយគ្រប់ជ្រុងជ្រោយនូវការជំរុញសេវាកម្មវិនិយោគចំពោះពាណិជ្ជករអន្តរជាតិ ដើម្បីជំរុញឱ្យការប្រើប្រាស់ទុនបរទេសទទួលបានការអភិវឌ្ឍដោយគុណភាពខ្ពស់។
លិខិតនេះបានកំណត់ច្បាស់នូវទិសដៅនិងភារកិច្ចសំខាន់នៃការប្រើប្រាស់ទុនបរទេសរបស់ប្រទេសចិននាពេលបច្ចុប្បន្ននិងពេលអនាគត ។ បានប្រកាសពីវិធានការជាក់ស្តែងចំនួន១៥ ខ ដូចជា កែលម្អបរិយាកាសវិនិយោគដើម្បីបង្កើនទំហំប្រាក់ទុនបរទេស, បង្កើនសេវាវិនិយោគដើម្បីរក្សាស្ថិរភាពប្រាក់ទុនដែលបានស្តុកទុក , ណែនាំទិសដៅនៃការបណ្តាក់ទុន ដើម្បីលើកកម្ពស់គុណភាពប្រាក់ទុនបរទេសជាដើម៕
