លោក Lin Zhanxi ដែលមានអាយុជិត៨០ឆ្នាំជាអ្នកប្រធានវិទ្យាសាស្ត្រនៃមជ្ឈមណ្ឌលសិក្សាស្រាវជ្រាវបច្ចេកវិទ្យាវិស្វកម្មស្មៅ Juncao ជាតិចិន ហើយក៏ជាស្ថាបនិកនៃបច្ចេកវិទ្យាស្មៅ Juncao ដែរ ។ លោកនិង “ស្មៅកើនទ្រព្យ”ដែលរកឃើញដោយលោកបានកែប្រែវាសនារបស់មនុស្សជាច្រើន ។ ពីមហាសមុទ្រប៉ាស៊ីហ្វិកខាងត្បូងដល់អាហ្វ្រិក និងអាមេរិកឡាទីន មានមនុស្សជាច្រើនបានបម្រះចេញផុតពីភាពក្រីក្រនិងមានជីវភាពរស់នៅកាន់តែល្អប្រសើរតាមរយៈការដាំស្មៅ Juncao និងផ្សិត  ។ លោក Lin Zhanxi បានធ្វើបទបង្ហាញថា បច្ចុប្បន្ននេះ បច្ចេកវិទ្យាអំពីស្មៅ Juncao ត្រូវបានបកប្រែជាភាសាចំនួន១៨ ដើម្បីបម្រើមនុស្សរស់នៅគ្រប់ទិសទីលើទូទាំងពិភពលោក ។