ថ្ងៃទី៧ ខែតុលា អ្នកសារព័ត៌មានទទួលបានដំណឹងពីសន្និសីទសារព័ត៌មានអំពី “តំបន់Xizangក្នុងរយៈពេល១០ឆ្នាំ”ដែលបើកធ្វើនៅភូមិភាគស្វយ័តXizangបានឱ្យដឹងថា ចាប់ពីឆ្នាំ២០១២មក ប្រាក់ចំណូលគិតជាមធ្យមក្នុងមនុស្សម្នាក់ៗនៃប្រជាពលរដ្ឋនៅជនបទនៃតំបន់Xizangបន្តរក្សាកំណើនពីរខ្ទង់ជាប់ៗគ្នា ល្បឿនកំណើននាំមុខតំបន់នានានៅទូទាំងប្រទេសក្នុងរយៈពេល៧ឆ្នាំជាប់ៗគ្នា។

ប៉ុន្មានឆ្នាំចុងក្រោយនេះ តំបន់Xizangបានដាក់ចេញវិធានការជាច្រើនដើម្បីជំរុញការបង្កើនប្រាក់ចំណូលរបស់កសិករនិងអ្នកគង្វាល ប្រាក់ចំណូលគិតជាមធ្យមក្នុងមនុស្សម្នាក់ៗរបស់ប្រជាពលរដ្ឋនៅជនបទបានបន្តរក្សានិន្នាការកើនឡើងដ៏ល្អប្រសើរ។ឆ្នាំ២០២១ ប្រាក់ចំណូលគិតជាមធ្យមក្នុងមនុស្សម្នាក់របស់ប្រជាពលរដ្ឋនៅជនបទនៃតំបន់Xizangបានឡើងដល់១៦៩៣៥យាន់ប្រាក់ចិន ត្រូវជា២,៩៧ដងនៃឆ្នាំ២០១២។

នៅឆមាសទី១ឆ្នាំ២០២២ ប្រាក់ចំណូលគិតជាមធ្យមក្នុងមនុស្សម្នាក់ៗរបស់ប្រជាពលរដ្ឋនៅជនបទនៃតំបន់Xizangបានឡើងដល់៥៧០៥យាន់ប្រាក់ចិន ល្បឿនកំណើនគឺ១១.១% ខ្ពស់ជាងល្បឿនកំណើនគិតជាមធ្យមនៅទូទាំងប្រទេសចំនួន៥,៣%៕