យោងតាមការផ្សាយដំណឹងនៃរដ្ឋបាលជាតិអវកាសចិនកាលពីថ្ងៃទី ១៨ ខែកញ្ញាឱ្យដឹងថា គិតត្រឹមថ្ងៃទី ១៥ ខែកញ្ញា ឆ្នាំ ២០២២ យានអវកាស Tianwen-1 បានស្ថិតនៅក្នុងគន្លងតារាវិថីអស់រយៈពេលជាង៧៨០ ថ្ងៃហើយ ហើយយានរុករកភពព្រះអង្គារបានធ្វើដំណើរក្នុងចម្ងាយសរុប ១៩២១ ម៉ែត្រ ដោយបានបញ្ចប់ភារកិច្ចរុករកផ្នែកវិទ្យាសាស្ត្រតាមការគ្រោងទុក និងទទួលបានទិន្នន័យដើមផ្នែករុករកខាងវិទ្យាសាស្ត្រទំហំ ១៤៨០GB ។..
ក្រុមអ្នកសិក្សាស្រាវជ្រាវផ្នែកវិទ្យាសាស្ត្របានទទួលសមិទ្ធផលខាងវិទ្យាសាស្ត្រដ៏សម្បូរបែប តាមរយៈការស្រាវជ្រាវលើទិន្នន័យដើមផ្នែកវិទ្យាសាស្ត្រដែលទទួលបានដោយម្ចាស់ការ ។
សមិទ្ធផលថ្មីៗទាំងនេះបង្ហាញពីឥទ្ធិពលនៃសកម្មភាពខ្យល់ខ្សាច់និងទឹកនៅលើភពអង្គារចំពោះការវិវត្តនៃភូគព្ភសាស្ត្រ និងបម្រែបម្រួលនៃបរិស្ថាន ផ្តល់ការគាំទ្រយ៉ាងរឹងមាំចំពោះការសន្និដ្ឋានថាភពអង្គារធ្លាប់មានមហាសមុទ្រ និងបង្កើនការយល់ដឹងផ្នែកវិទ្យាសាស្ត្ររបស់មនុស្សជាតិអំពីការវិវត្តនៃភូគព្ភសាស្ត្រនិងបម្រែបម្រួលបរិស្ថានរបស់ភពអង្គារ ។ សមិទ្ធផលដែលពាក់ព័ន្ធត្រូវបានចុះផ្សាយក្នុងទស្សនាវដ្ដីសិក្សាស្រាវជ្រាវដ៏ល្បីឈ្មោះទាំងជាតិនិងអន្តរជាតិ។