ភាសាខ្មែរ

ព័ត៌មាន​សំខាន់​ៗ​

ក្រសួងការបរទេសចិន៖ដំណើរទស្សនកិច្ចនៅបរទេសរបស់លោកXi Jinpingប្រធានរដ្ឋចិនជាសកម្មភាពការទូតរបស់ប្រមុខរដ្ឋដ៏សំខាន់បំផុតមួយលើកមុនពេលបើកសមាជបក្សកុម្មុយនីស្តចិនលើកទី ២០
2022-09-14 15:43:37cri
Share with:


     ថ្ងៃទី ១៣ ខែកញ្ញា នៅក្នុងសន្និសីទកាសែតជាប្រចាំ  លោកស្រីMao Ningអ្នកនាំពាក្យក្រសួងការបរទេសចិនបានឆ្លើយតបសំណួរស្តីពីសភាពការណ៍ពាក់ព័ន្ធនៃការដែលលោកXi Jinpingប្រធានរដ្ឋចិននឹងអញ្ជើញចូលរួមកិច្ចប្រជុំកំពូលនៃអង្គការសហប្រតិបត្តិការសៀងហៃ ព្រមទំាងបំពេញទស្សនកិច្ចនៅកាហ្សាក់ស្ថាននិងអ៊ូបេគីស្ថាន។ លោកស្រីបានលើកឡើងថា ដំណើរទស្សនកិច្ចលើកនេះគឺជាសកម្មភាពការទូតរបស់ប្រមុខរដ្ឋដ៏សំខាន់បំផុតមួយលើកមុនពេលបើកសមាជបក្សកុម្មុយនីស្តចិនលើកទី ២០ ដែលបានបង្ហាញដោយពេញលេញនូវការយកចិត្តទុកដាក់ខ្ពស់របស់ភាគីចិនចំពោះអង្គការសហប្រតិបត្តិការសៀងហៃ ទំនាក់ទំនងរវាងចិននិងកាហ្សាក់ស្ថាន និងទំនាក់ទំនងរវាងចិននិងអ៊ូបេគីស្ថាន។

    លោកស្រីMao Ningបន្តថា នៅក្នុងកិច្ចប្រជុំកំពូលនៃអង្គការសហប្រតិបត្តិការសៀងហៃលើកនេះ លោកប្រធានរដ្ឋចិន Xi Jinpingនឹងរួមជាមួយអ្នកដឹកនាំនៃប្រទេសដទៃ ធ្វើការផ្លាស់ប្តូរមតិយោបល់ដោយស៊ីជម្រៅអំពីកិច្ចសហប្រតិបត្តិការក្នុងក្របខណ្ឌអង្គការសហប្រតិបត្តិការសៀងហៃនិងបញ្ហាអន្តរជាតិនិងក្នុងតំបន់ជាដើម ដើម្បីស្វែងរកគំនិតឯកភាពថ្មី និងចារទំព័រថ្មីនៃកិច្ចសហប្រតិបត្តិការ។ យើងជឿជាក់ថា អង្គការសហប្រតិបត្តិការសៀងហៃនឹងបន្តពង្រីកស្មារតីសៀងហៃ ហើយទទួលបានសមិទ្ធផលកាន់តែធំ ក្នុងដំណើរថ្មីនៃការអភិវឌ្ឍ ១០ ឆ្នាំទី ៣ ដើម្បីរួមចំណែកកាន់តែធំសម្រាប់ការជំរុញបុព្វហេតុសន្តិភាពនិងការអភិវឌ្ឍនៃពិភពលោកនិងតំបន់៕                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

 

 

អ្នកបកប្រែ:王昭君
ប្លុកពិសេស