ថ្ងៃទី១៣ខែកញ្ញាឆ្នាំ២០២២អង្គភាពពាក់ព័ន្ធនៃភាគីចិនបានចេញរបាយការណ៍វិភាគខាង
បច្ចេកទេសស្តីពីអាវុធអ៊ីនធើណេតរបស់ទីភ្នាក់ងារសន្តិសុខជាតិអាមេរិកប្រើប្រាស់ទៅវាយប្រហារចំពោះសកលវិទ្យាល័យឧស្សាហកម្មភាគពាយ័ព្យប្រទេសចិន។សំដៅករណីនេះលោក
ស្រីMao Ningអ្នកនាំពាក្យក្រសួងការបរទេសចិនបានបញ្ជាក់នៅក្នុងសន្និសីទកាសែតប្រចាំថ្ងៃ
នាថ្ងៃដដែលថារបាយការណ៍បានលាតត្រដាងពីភាពលម្អិតនិងភស្តុតាងកាន់តែច្រើន។
លោកស្រីបានថ្លែងថាភាគីចិនបានឆ្លងតាមមធ្យោបាយជាច្រើនដើម្បីទាមទារឲ្យអាមេរិកធ្វើ
ការបកស្រាយចំពោះការវាយប្រហារតាមអ៊ីនធើណេតក្នុងចេតនាអាក្រក់នេះព្រមទាំងបញ្ឈប់
អំពើខុសច្បាប់បែបនេះភ្លាម។តែរហូតដល់ពេលបច្ចុប្បន្ននេះមិនទាន់ទទួលបានការឆ្លើយតប
ជាក់លាក់ណាមួយពីភាគីអាមេរិកនៅឡើយទេ។អ្វីដែលខ្ញុំចង់គូសបញ្ជាក់គឺអំពើរបស់អាមេរិក
បានបំពានយ៉ាងធ្ងន់ធ្ងរចំពោះការសម្ងាត់ខាងបច្ចេកទេសរបស់អង្គភាពពាក់ព័ន្ធនៃប្រទេសចិនបង្ករគ្រោះថ្នាក់យ៉ាងធ្ងន់ធ្ងរចំពោះសន្តិសុខហេដ្ឋារចនាសម្ព័ន្ធរបស់ប្រទេសចិននិងសុវត្ថិភាព
ព័ត៌មានអង្គភាពនិងបុគ្គល។អាមេរិកត្រូវបញ្ឈប់អំពើពាក់ព័ន្ធភ្លាមព្រមទាំងធ្វើការបកស្រាយ
ប្រកបដោយអាកប្បាកិរិយាទទួលខុសត្រូវផងដែរ៕